chhungril khawvel

Ka hringnun'ah hian !!

2011-07-30T13:14:00.000-07:00

Hringnun hi chunglam zahngahihna zarah kum tam ka lo dai chiau ve ta. Tuanna tlang leh mual pawh zungtang thliah theih zat ringot aia tam deuh te chu ka lo dai darin ka lo chil phul ve ta a. Ka hriatrengna kawngthuamah pawh hian zawh let tur tam tak pawh a insa thui ve hle mai. Ni e, kan hrerenga kan chhihchhiah a, kan vawng a mahse engkim hi a lo thuhmun reng thei bik lo. A inthlakin a in her lum renga, a then te chuan kumkhua atan min danglamsan ta mahse a tha zawk atan chuan a ni vek bik lemlo. Mualliam hnu te ngaiin kan kur a, liam lul lo se tia aw rawl tawp2 a auh lawm2 chang lah a awllo. Leilung tuah remin a her pui miau avangin zangkhua te pawh a bungbu fo reng a ni. Mahse a hnun lam chauh lang reng thei tur hian mai hi lum thei se tih chang a va tam thin si em. A thenin mual an liam a a then an la chambang bawk a, engkim mai hian hun ruat an nei theuh a, lan chhuah hun bik ropuina ni chu an chungah chuan tir theuh an ni. Hmangngaih kaltate leh thiantha mangtha tak zawng2te pawh ka dawn kir fo thin. Mahni chauh a laikhum han belh chang mawlh te hian nunhlui leh hun ngaih a zual thin. Thenkhatten piallei thuah riah hnuaiah riahrun an bel ta a then ten runlum nuthai changin mual an liam zo, thente pawh sialkhawpui mawiin hringnun tuah rem an la rel ve zel a. A ni he ka nun chhung reiloteah hian mitin mai chu ka hmangaih a, ka ngai a, an tan thah-khua ka lo pawtsei ve fo thin a ni.

There are places I'll remember
All my life though some have changed
Some forever not for better
Some have gone and some remain
All these places had their moments
With lovers and friends I still can recall
Some are dead and some are living
In my life I've loved them all

Nia, thian tam tak leh lairil biahthu 'D' hlanna tam tak te pawh lo neiin, he khawvel par hi lo mawipui ve viau thin toh mahila, tlaini tla turin kawlkil a chhun en diar2 kara 'sik boruakin lairil a tham er2 a, thlifim vawt ngaih maiin a biang a chem hik mek2 a, ral lehlam in pakhat atanga 'so this is christmas' tih hla a lo rik riai2 meuh chuan 'nang' lo chuan min hnem zoh loh sia ka hre chhuak thar leh uaih2 thin. In then tura intawnna khawvelah meuh hi chuan hmalam panin phei khai kan pen lo thei si lo a leh; inkalsan a tul fo thin. Mahse, chuti chung chuan he kalkawng thuam a ka phei a in khai chhung hi chuan engmah reng hian an tluk pha dawn si lo che a. Ni teh tak e 'nangin' min zam tawh meuh hi chuan ka ngaihtuahna thazam te hian mu leh mal reng nei lo hian a vakvai nghal ruai mai thin. Hmangaihna ka ngaihtuah apiang hian nangmah lo chu ka hringnun taksa hian belh tur dang a hrelo a ni.
Nia, thenrualte leh nangmah aia ram dai darh hmasa tute lakah chuan ka rilru awmnemna chuan mual a liam nghal mai bik dawn lo. An cham anga koh kira auh ruah2 chang te pawh ka nei awl lo dawn a ni tih ka pha lo. Tin an tana ka rilru puthmang te pawh ka thlak mai dawn lo, ka nuna thusawitute an nih tlat avangin hriahchhuah a koh let leh ruai2 hi ka bansan ngawt bawk hek lo ang. Ka hringnun harsa leh buai tak chawlhsanin ka hawi letin ka ngaihtuah fo ang, an rauthla poh ka zelh chang a tam ang. Nangma hmaa mi kal hmasa te hi theihnghilhni reng ka nei dawn lo ka hrereng fo dawn a ni. Chung zawng2 chuan min kapin min luahlum fo thin mahsela he ka hringnun khawvelah hi chuan nang ka hmangaih ber fo zel dawn che tih hi ka tiam nawn awn2 thung che a ni.!!!

But of all these friends and lovers
There is no one compares with you
And these memories lose their meaning
When I think of love as something new
Though I know I'll never lose affection
For people and things that went before
I know I'll often stop and think about them
In my life I love you more

Ka hmangaih hmangaih kaltate koh kira hnuchhawn ram ka thlir chang pawn, a ni ka phei khai lai chawl a chawlhhmun ka belh ni te pawh lo thleng thin mahse hei hi lo hre reng ang che - heng zawng2 te ai hian 'ka hmangaih ber fo a che'...

'In my life I love you more'

Ka Mobile Lens Khawvel !!! part - 3 (Solomon's Temple, Chawlhhmun)

2011-07-13T06:53:00.000-07:00

MZU a kal remchan chu remchangah lain Kohhran Thianghlim ho biakin pui ber Solomon's Temple an tih huai2 Chawlhhmun a mi chu kan tlawh haw ve a. A sakna lamah an tangin an thawk ho tha bawk a, ralkhat atanga thlir ngawt ai chuan a hmunah chuan a lo ropui ngei mai. Kum 1996 khan a Biakin lungphum an phun a kum 20 chhung sak tura ruahman niin tum anga a kal theih chuan kum 2016 ah chuan an hawng thei toh dawn a ni.La zo chiah lo mahse a pianhmang leh a hmel hmang tur chu (pawn lam) a hriat vek tawh tho a, an sak zawh meuh chuan chhuantham khawpa mawi leh belh chian tlak a ni dawn tih chu in hnial kher ngai loin a hmuh mai theih a ni. A chhung lam erawh thawh tur a la tam tham deuh a sawi belh tur bulfak tak chu a la awm lo.

Hei hi Biakin chhunga kan luh tirhah kawngkhar veilam sirah an lo hung a, hmun danga hun tur mahse la remchang mai lo a nih duh hmel hle a ni. An emblem emaw ni turah ka ngai a, an chawkidar kha ka zawt hman ta lo a, Philadelphia tih in ziak khian engnge a entir tih pawh ka hre thei ta hrih lo a ni.

He Temple hi compound hung nei chhunga awm a ni a, kan kal hun hi Ningani a nia an gate pui hi an hawng lo a, Sunday inkhawm velah chuan an hawng ngei turah chuan ka ngai a. A sir ding lam leh vei lamah hian mihring kalna chi gate an siam ve2 a hei erawh hi chu an hawng reng a ni. A veilama mi zawk khi chuan kal tlang a hlawh vak lo a niang gate bul velah pawh hnim hringin a zam hnan chiai2 reng a ni.

Gate chhung kan lut ta a a chhunga pillar 4 awm tur zinga mi pahnih chu hmuh nghal maitheiin a lo lang ruau mai a, Mizoram a biakin dang nen chuan a sakhmang leh pianphung a inperhsan hle tih a lang nghal mai a. A sir lama pillar thenkhat la rem zoh loh chuan tlemin a hmel mawina a la la kiang deuh tho rualin tunah mai pawh hian a langsar nghal nalh2 viau tho a ni.

Biakin hulhliap kan thlen chuan kan dinglamah a Temple statistics an lo hung a, kimchang takin a sakruang leh zia rang an lo tarlang a Temple han thlir vel leh han belh chian pawh a ti interesting hle a ni.

Temple luh phei dawn chuan a tlema lo chhawrdawh chhuak deuh hlek hulhliap anga ruahman a awm a chumi chungah chuan vantirkoh pahnih hian tawtawrawt vanlam hawiin an ham lai an dah a, han hmuh thut chuan Vatican lama biakin ziarang te pawh rilruin a fang nghal rum2 thei a ni.

Temple luh hma veilam pangah pawh vantirhkoh chuan Temple hmaa arsi 7 intlar that awmna lam chu hawiin chawimawina tawtawrawt chu a ham a.

Temple hmalam dinglam sir kil

Temple hi kal hel chhuah pup theihin an sa a chuan a kil tinah hian luhna tur a awm theuh bawk a, hulhliap angreng a lawr chhuak bikin kawngkhar zawn chu a hliahkhuh vek bawk a ni.

Temple kawngkharah hian darthlalang hman a ni a, chhunglam hi pawn atang pawn chiang takin engtik lai pawn a lang reng thei a ni.

Tumah thliar bik leh thlei bik a awmlo tih entir nan a chhungah hian puanzar hran leh dawhsan bik reng2 a awmlo a chumi piah a ban pakhatmah a awm lo bawk a ni. A chhung hi sawi tawh angin an la zoh loh em avangin engti takin nge a hmelhmang hi a awm dawn a la hriat thiam theih chiah loh a ni.

A inkhawm hruaitu awmna lam chu a hriat theihnan a hnungah an mahni chhinchhiahna chuang puanin an zar a ni.

A tir a sawi tawh ang khan a hmalamah chuan vantirhkoh pahnihin tawtawrawtin Davida Arsi 7 te chu chibai an buk a ni.

Tichuan kan fanchhuah vel hnu chuan Temple chu kan chhuhsanin kan hawsan dawn ta a, a tawp nan a hma kawtzawl atangin a hma tak atanga a lan tak chu ka han la leh hram a ni.

'Hmangaihna' - Vankhama

2011-04-13T11:25:00.000-07:00

Mizoram Competitive exam te han tum ve rilruk deuh ik leh optional pakhata Mizo paper lak tum bawk si chuan hla chi hrang2 hi Syllabus a mi nih miau vangin chhiar kual ve duah hi a ngai a. Tuipui vak lemloh thilah te pawh hian rilru leh mit hi fuk luih tir a ngai viau mai. He hla 'Hmangaihna' tih Vankhama phuah pawh hi ka lo la bih chiang em2 ngai lemlo a mahse han chhiar han chhiar ve takah chuan ngaihtuahna te pawh a pawtseiin mahni a han kawm ve melh2 pawh a lo awl ve riau mai. Johnson College a coaching Mizo paper bikah an lo pek hlauh chu remchanga lain a theih ang2'in kan mawng te kan han hung ve a, lecturer ho sawi eng atang pawn ngaihtuahna peng hrang2 ah kan in pawh darhna he hla bik te pawh hi a lo hlimpuiawmin a lo tuipui awm hle a lo ni.

Hmangaihna kan thlir dan hi a hrang theuh a a thlen chin pawh 'thlirtu','dawngtu' leh 'petu te' thlirna tlang atang chuan a entlang pawh a dang vek hlawm awm e. Hmangaihna dik sawifiah leh hrilhfiah a har tluk zetin, hmangaihna suak chu hmuh thiam a har ve bawk. A thenin 'duhtakte nen a bahra laih' an thlan laiin a then chuan duh vak lemlo te nen a sa leh buh changrum kil ho an thlang zawk ve fo. Vanneihtluanga ten hmangaihna kil tin atanga an thlirna mit hawh pui ngat phei chuan a engpawh ni se, engvang pawhin emaw engtiang pawhin emaw hmangaihna chu lo piangin lo par vul mahse a diklo leh han sawi leh sel na tur bik a awm nem maw!!tih hi thil awl tak a ni. A duhtu chuan a duhna chhan lai tak kha hmangaihnaah a chhiar dawn miau avangin. Sum leh pai avangte,sakhmel leh fuke avangte, nungchang avangte leh a dang za tam avangte a kan duhna a luanliam miau chuan chhan nei leh behchhan nei theuh an nih vangin an thiamawmlohna leh a hlutna a nep phah tih sak ngawt chu a har fo thin. Mahse chung kan sawi zozaite avanga kan duh leh hmangih ngawih2 tena lengdang min chhaisan a nih si chuan a den zawng a nat kher awm e. Chem lo'a in vih nat dan ber a ni mai lawng maw?...

'Thuhriltu'n hmangaih thu hmana a hril chuan,

Hmangaihna bak lei chhinah ropui awm lo,

Inhmangaih theuh ru, ka lenrual duh te u,

Hmangaihin infak, uanthuan reng a rel lo,

Hlemhlet leh itsik,dawt thu a mau sam e,

Kei ka thu leh hla ngei kha a lo ni e.'

Vankham'n 'Hmangnaihna' a tuipui dan hian ngaihtuahna hrang2 a siam hnem ve hle awm e. He hla chang hnih leh a thunawm awmah hian 'hmangaihna' ri ruat dan leh a duhthusam chiang takin min thai lan sak a,mawi tak maiin hmangaihna dik awmdan niaa a rin chu hmuh theih turin min pho chhuahsak a ni. A chang hmasa ber han chhiar hian 'engti zawngin nge min kalpui ang aw' tih vawng2 a awl hle mai a. Khoi huam chhunga dah tur chi nge ni ang, pathian hla rim a nam deuh em aw emaw lengzem hla lam a pawl nghal mai a lawm le tia inhnialna awka chhuah mai theih te pawh a awl rum2 mai. Tirhkoh Paul'a hmangaihna thurin kha a lo fah chhuak ni bera rin a pawm tlang a ni a. Chu Paula'n hmangaihna khawvel a a ropui ber zia a seh chilh chu lo tuihnihin chumi eng atang chuan hmangaihna thlazar ropuina leh duhawmna hulhlip hnuaiah chuan min khawm lut a - itsikna, infak, uanthuan dawt thu reng awmlo hmangaihna chu mitin tan a awt em2 a, inhmangaih theuh tur pawh a min duhsak pui sia a sam chiam a, chumi ti nghet tur chuan amah ngei pawh lo in kai lutin a 'thu leh hla ngei' a nih zia a ti lang chhuak a ni.

Hemi chang han thlir ringot hi chuan Vankhama tum ram hriat thiam a har hle mai. Tlang sawn theih hial rinna neiha hmangaihna neilo dar ri mai2 ang ruamah khan min hruai luh tumin ti khan a chham kual ta mai a mawn le aw tih te pawh a awl hle. Thuhriltu thu leh hla a bul tanin 'Ama' hmangaihna ropuizia puan chhuah a tum a mawn le tiin rilru pawn Bible chang dang a zawng nghal ruai thei awm e. Mahse a thunawn han sak thlen meuh chuan a awki a dang leh daih mai si a.

I sakhmel tawn changin thinlai a eng a,

I sakhming an sel leh kawl ang ka hnim a,

A tha par tin kha bawihte, i tan ka ti,

Theih chang se, i tan si ar lak ka huam e,

Ka thai chang mah lo la, khiangawi mi tawnah,

Hmangaih, lung i dum phawt chuan lawm zel ta'ng e.

-hmmmm post khat atan chuan a sei uchuak dawn tlat a dang'ah chhunzawm leh mai zawk teh ang...

Ka Mobile Lens Khawvel !!! part - 2(Biakin-1)

2011-03-21T23:32:00.000-07:00

Inkhawm lam hi tam em2 lo mahila remchang te a nih hi chuan Biakin thlalak hi nuam ka tiin ka lo hmeh ve leh nual mai thin a. Han kal tlang nikhua te hian mobile phone tangin awlsam tak2 a hmeh zung2 a lo awl bawk nen nikhat a ral meuh hi chuan a lo awm khawm ve leh ruih mai zel a. Hei a bultan nan pali kan theh chhuak ve leh mai2 a nge. Engmah lo ai chuan tlemte pawn nghawng a neih kha maw...

Khatla South Church

Zarkawt Church

Mission Vengthlang Church

Chandmari West Church

Ka Mobile Lens Khawvel !!! part - 1(Hyderabad)

2011-03-12T01:56:00.000-08:00

Update lohna a rei ta,ka space khawvel te reuh te poh a hmuar hman ve lek2 ta mai. Rilru lamin thil dang a ngaihtuah miau chian thu leh hle khawvel poh chak loh sa nak laiin a ro mai niloin a kang chat hneh hle thin mai. Tui luang kianga thingphun a hnah hring dup reng mai anga zung kaih hluah2 te pawh a chakawm thin hle a ni. Mahse hmasawn zel tur ta fam chuan hawisan then neih leh thlauh then neih a ngai zel mai si a. Kum 2011 atana a voikhat nan ka phone hlui tuaihnum thar Motorola E6 ROKR hmanga thla ka lak te hmang hian helai hmun hi i han hnawh khat leh phot ang hmiang. A part hrang2 ah thliarin theme nei deuh hlekin a tah tawla tih chhoh tumin phei kan khai ve a nge. A hmasaber atan Hyderabad awm chhung reilote a ka lak kual te ho hian i han tuai hnum ang hmiang le.

Tin kan thlok chhuak dawn ta a, pawn lama eng riai2 kara Indigo thlohna lo bawk phek thlur mai chu a hmuh a nuam ve tho mai

Airport ah a tihtur neih vak loh chuan an trolley nawr mai2 pawn mit a la viau zel

Kut them thiam thil chi hrang2 an zawrhna hmun a mi- Shilparamam

Hyderabad Outer Ring Road sir a tuikhuah awm a nitla tur in zam pharh chu a lang mawi ve hle mai

Tlailam - Gopanpalli lamtluang

HITEX Gate - Hyderabad

Chu tlairam khawhar takah chuan French Twin Lamp te poh chuan eng an chhuah dawn ve tran riau2 a

Shilparamam a kutthem thiam thil tam tak an pholan thin chuan mit a la thin hle reng a ni

WIPRO Building - Pride of Hitex City, Hyderabad

Christmas Chibai ...

2010-12-23T00:55:00.001-08:00

Kum tam a liam leh meuh chuan hunpui massi pawh pathian hruaina zarah hei ka ban phak chu ani ve leh ta reng mai a. Thlasik ni eng mawi in zam vel kara lalpiang lawmna hla han ri leh chuai2 thin te pawh hian dam hlut zia a egti zawng maw tal chuan mitin tan a puang ngeiin a rinawm. Keini reiek tlanga ni tla hmuphak a awm tan meuh phei chuan kawlkil rawng in kap ki eng chu a hmuhnawm lehzualin, mit a tlai zualin pathian thil siam hi a nih tur angin a in puang chhuak chiang lehzual hian a hriat thin.

Kristmas bazar chakkhai la khawm a han chhuah vah changa tawt tak maia mi in sul pel zung2 mai leh kohhran tin maiin biakin leh a vel an cheimawi thar leh sup2 takah chuan hunpui inthlak pawh chu inhrilh chawp ngai loin rilru ah a chiang thar em2 a..Kawngkai dar nghak tam takin 'sale sale sale' an tih lauh2 te chu rimawi a nihna chen te pawh a awm ve fo mai.

Hmel leh pianphung,nunphung,serh leh sang in anglo tak2 mai min hnup khawm a hlim hmel in hmuh chunga kan han in nek khawm talh2 te pawh chuan chu hunpui ropui na chu a hril kan ti lo thei lo ang. Hmangngaihna zam vel thlasik thli vin tak maiin a a len darh chem2 dawng fuh tu tan te phei chuan a hlu lehzual em2 ta ve ang. Hmangaihna vanga he hun hmang thei hi kan nih avang ngeiin a hmangaihna chang fuh tu tan chuan a kalhkimna ti ila kan ti sual ltk lem lo thei ang chu.

Engpawh chu lo ni ta se, he hun hi hlimpui tum threuh ila kumkhat a kan nghah chhung a rei thin zia te rilru a hre reng chungin kan hlimna hian lungngaihna min thlen lul lo teh se...'kan vannei em e lawmna ni kan thleng leh ta...' tiin lam i thai teh ang u.... 'give love on christmas day'...

Kristmas chibai vek ule...

Kelsih Tlangdung !!!

2010-10-18T08:15:00.000-07:00

Hmanni kan veng KTP sports chu Kelsih tlangdung lamah kan va nghat teh daih a, saw lam thlen phei lohna a rei deuh tawh bawk nen rinai takin a ram hmel hmang chu mitah a thar angreng phian a. A ram thleng a nuamin a zawl thra bawk a,a chuan pawh a nuam hle mai. Infiamna lam tih thiam em2 nei ve ta lo chu thla te kan la kual vel mai2 a hei tlem chu post ti tam tu atan kan han vawm bei ve leh mai2 a nge...

Hei hi eng kohhran biakin chiah nge ka hre ta lo a, a kalkawng leh a hmun in nghahna vel khian lung a ti leng duh hle reuh mai..

Kelsih khelmual-ah kan naute ho pawh theih pa tawpa ball petin an tal na ve hle, kal hun hi a fuh chiah lo a,a diakin a bumro hle mahse a boruak nawmna leh a hlimawmna chu a tih nep phah chuang lem hlei law.

Tlailam a ni a khua pawh a hnim tran ve ria2 tawh a, kan infiammi te pawn duhtawk ngah trepin siang kan lawina lam bel turin kan phei pawn kan sawn ve trep tawh a. Chumi hun kar tlemte la awmah chuan vanzawl pawn a ropuina leh mawina chuangin a lo in phar darh ve mek bawk a, Pathian thilsiam ropui tak chuan an zia an chhuah ve mek hlawm a ni.

Thu ho...

2010-10-15T22:56:00.000-07:00

Sikni eng'in kawl vel a phuh en leh sen2 tawh meuh hi chuan rilru ngui te pawh hi a lo harh thar leh vawng2 mai hian a hriat a, lunglenna ruam thim mup mai te pawh nunhlui leh hmabak ngaih leh nghahhlelhna avangin a eng de ve le truam2 mai a nih ber hi maw..
Kohhran beihrual kan hman zawh tawha chin ngat ah phei chuan camping mahni veng theuh ten an buaitsaih a nih em2 lem bawk si loh chuan rilru lamin bethlehem a hawi vu e ti lo chuan a phawvawk boruak chiahpiah lah hi na ve zek thei mai a. Duh leh it, mamawh leh ih vel zawng bak ngaihtuah teh vak hi a awm em2 lem hlei law. Rilru a thil a kal lakloh lah hian a han tawp em2 mai thin bawk a entir nan tun ang te hi..huizz... kan ro dang char zo vek a nih ber hi maw..
Thahleinga te kan lawm hma'in update ve leh hram2 ka tum te tih teh tralh karah ka han in nawr tawm lui ngial dawn a, thiamna a tlemsa bawk nen intur tak ngail a far thei pawh a awm lo a nih ber hi maw...mahse engmah lo aiia 'dot' pakhat pawhin pawimohna a neih theih tho chuan tiin kan tyoe kual kawi ve mai2 a...huihamz awmzia lem hran a neih chu ka hre chuang hlei law..
Tlaini tlaiin reiek tlang chuang a par chhuang a a in kap eng sen eng deuh ruih mai mithhla ral2 chungin-engber nge maw min mawlh le tih kan ngaihtuah chhunzawm leh mai2 nge...

An aura of the 'Sunrise Service' (University of Hyderabad-Mizo)

2010-04-04T10:52:00.000-07:00

The following are some of the memories of the 'sunrise service' organised in the early morning of the fourth of April 2010 by the Mizo students of the 'University of Hyderabad'.

Mizo students-University of Hyderabad

sky is the limit

Easter Eggs for HMFC decorated by the Mizo students of University of Hyderabad

Our very own 'Eggs' for the Easter

Morning has broken like the first morning, black bird has spoken like the first bird

Happy Easter to All

Mangtha Mangtha !!! ( rilru vakvel)

2010-03-19T09:27:00.000-07:00

Ka tukkhat zing tho chu eng hian nge maw min mawlh tehreng ni perh thiam uk si lo hian perhkhuang chu ka han kuah ve chawt ringot a, chiang mang hlei lo hian rilru a awm hmasa ber fam Lalzoa ro hlu ‘mangtha mangtha ‘ tih chu ka han thluk veng2 mai a. Hringmi nun piah ram lam ah chuan mute thla hawhin ka leng ta veng veng mai.

Kum tam a liam ta , tlai a ni a, ni pawh kawlkilah a in hnuk liam ve mek bawk a. Mitin mai chuan khuain a thim hnan ang tih hlauin an hna tul chu an ti sap sap hlawm a. Thing seng khawm mawlh mawlh te, ar lawi a in um kawi zuar2 te , losul haw lam kawtchhuaha lo kawi nguah2 mai te , naupang rual nu leh pa te feh hawng an thil hawn changa lo dak iak2 mai te chu hmuh leh hriat hmaih chi rual a ni lo. Ralkhat bawng bu ul2 mai leh a kai tu ri rawk2 te chu mipangngai tan chuan hun inthlak mek hril tu a ni reng a.

Mahse chutiang buai leh ri nuaih2 karah chuan Lalzoa chuan engmah tih zai reng a rel thei si lo, mahni a awm ang main che miah loin kawlkil ni liam tur eng tawk2 chu a thlir veng2 mai a. A ‘tun hun’ nun chuan thu a sawi hlawl lo, biak tur a awm lo a- biak theih lah a ni hek lo. A nun a ro hlu ber mai leh a hmangaihna hmasa a lo hlanna chuan hnawlin changdang a kan san ta si a. Ni, a bul vel nun chuan atan awmzia a nei reng nang, a nun a hloh tawh a , mi ang pangngai a nihna chuan chumi ni la la chuan pialral a kaisan ta si a le. Hmangaihna hrui hrual suih natzia chu atakin a tawng tan a, a kual khung tawh tan lah in phelh dul leh a harsat zia chu a hre tan dawn chauh a ni.

‘Aw kan nunhlui hmanlai thlirin

Suihlunglen kimten a tho

lungkham chhailai di zun chham lo

saisena chhun chawiin’

Chulai tlangah chuan tudang ngai loin tlai khua an lo var za thin kha a ni a, thlasik thliin phul a chem kur dial2 karah chuan an taksa vawt tur chu an lo inkhawr lum sak tak thin kha a ni a. Chungleng sava te nen zai vawr hoin, an tan chuan an khua a an nitin nun chu hlimna hlir mai niin, zing ni chhuak chu nghakhlel takin an thawhpui a, zantai rek chu khamlo takin an thlah liam nitin thin kha a ni reng a. Chu khua bak an tan hmundang thlakhlelh tur chuang a awmlo - vanram tlafual an sawi fo thin hi sawifiah tum ila hmundang pan a ngai lo an pahnih nun chu kawtin 'saw saw a ni mai lei pialral, damlai vanram chu' ti ila tuman hnialkhan an nei thei lo ang. Ramtuk thla te chu Lalzoa tan chuan hah thla a ni ve lemlo a, nilengin ram tuanin hna hram thawk mahse zan a ni anga a 'zanlalnu' a 'varparh arsi' eng hnuaiah chuan a hun a hmangral leh dawn tih hriatna chuan a hreawm zawng2 pawh chu a chilh bosak fo thin. Feh in lawm hun te mawlh mai chu a ni an nghahhlelh a, an in hmakhua nasat thin ni. Nilengin hun an nei dun anga, zanah an inrim chhunzawm leh zat bawk anga, nia an tan chuan chu tluk chu a awm reng nang - an duh leh sam ber chu awm dun nilen kha ni miau hek. Khuangchawi thla lo thlengin an khaw pum an chai te, khuangchawi an awm ni khuaa, an chheih zan tak te hian nuam an ti fal thin. Favang awllen thlahlei ngazan te hian an nunah awmzia a nei thuk bik emaw tih tur hian an lawm zual bik thin a, an nun pangpar chu a vullai rei bik emaw tih turin rimtui a chhuah rei bik thin hle a ni.

‘kumsul lam ang her se

sakhmel tha sen siar kan tawn

thinlai ah di zu n a lo chham a

lunglen kan kiu vawng2’

Mahse hringnun hi zawng vul reng tur leh par reng tur a duan ni hek lo le. Rin loh leh beisei loh atangin kohna dang an dawng ta tlat mai si a, chu pangpar huan ah chuan rose par sen pahnih chauh a par reng thei bik si lo a, a dang lo tiak veiin a par var chi te an lo kuh mum ve tan ta reng mai a. Aw theih niseng Lalzoa chuan huanpu chu pangpar dang lo tiak tur chu lo hloh fai tir zel mai tur. 'hmana ka rosepar phun kha ka chawm thin zingtuifimin ...' aw he hla te hi lo piang hman seng chuan a hla duh berah a chang mai awm si a- '... a par vul lai tak khan e chhingkual valin min thliahsak ka tuar thiam lo' .Nia tawrh thiam hi a har hle reng zawng a ni e.Ni, Lalzoa tan chuan khawhar lungleng a kiu vawng2 mai loh chu tih theih a awm ta si lo. Hringnun zet hi zawngin mihring hi a sawisa retheiin a va vaw na thei ngai em !!

Kum tam a liam hnu meuh pawn a tan chuan han hlimna tur chhan he lei hian a rah chhuah sak meuh lo. A lunglen thu hril bak chu a ni tan chuan sawi tur a awm lo, a ni han sel em2 tur pawh a awm chhuang lem lo. Mahse nun pangngai chu a tan beisei theih a ni tawh lo. Kumsul eng emaw zah pawh vei mahse a nunkhawdang a hrin chhuahsak chuang lo a. A tawp a 'lunglen kan kiu vawng2' tih mutpui bak chu a her chhuahpui mawlh si lo. A tan hmangaihna hruihrual chu a lian bik a, a hrui a thui zual bik a, a hlin a chhip zual mawlh bik a ni. Hmangaihna chu hmangaihna vek lo chhuan chhan letna dang a awm lo, kawngtum lak tur a awmlo a, pehhel lah a awm hek lo. Hling leh hriam chu zuan khum theih a ni lo tawn tlang a ngai tlat a ni. A chang chuan hriatreng theihna tura khuanuin kan rilru a lo duan te hi a thinrim phah urh thin. A hma te kha chuan, engnge maw vang a vangkhua pelh ngaih chang awm thin te khan an lunglen viau thin mahse thinlai a di zun chham avangin hlimin hun leh nite kha an chhiar theih phah thin kha a nia, mahse tunah zawng chu ‘zun chham’ chu rilru tina thar tu leh trah khua ti sei mai tu an ni ta si a leh.

‘chhakkawl rawn turni lo eng se

tawn loh nan tuannna a dang

awmkhaw har di ngai ka tham vel a

tuan zai ka rel thei lo'.

Hringmi ramah la awm tlat hek harsa ti em em thinin zan mut zai te han rel ve bawk thin mahse a tan chuan kawlkil vartian lo in phan chhuak te chu lungti leng zualtu a ni zel mai si .Muttui theih a ni lo, muttui zia reng a ni mawlh lo ve. Kan dem lul dawn em ni ang, hmangaihna hmasa chu kan nuihzat thei dawn em ni?...Hmai a han phih a, rap chung ar te pawh thawh khalh vekin kawl a ni zam in phan eng tan diar2 chu thlir ngawih2 in, biangah mittui thianghlim chu a far keuh2 a, a ni a nileng hun hman dan tur a thlir thiam lawk vek bawk si.Beiseina tur a nei lo a beisei bo chauh mai chu a beisei chhun a ni miau mai si a leh. Hun dang nidang ang te zawng niseng tukthuan pawh bar tha hman hleithei loin a phur thin leh tur kha a nia leh. A tan chuan hun awm hi a hmelma lian ber nihna chan chang te pawh a awl lo ta mai. Khuanu remruat te hi pawmthiam chi mawlh a ni lo...kumtluan daih lo tur hmangaihna lipui a luh tir tu hian dem a phu in ti ve mawlh lo maw !!!.

'tlai khaw a lo ngui a

hellai di run kan kai a

zankhua tlai se samang thennan e

mangtha mi lo ti e'

Nya a har reng a ni. Maltlat nun hreawm zia a hrechiang tu apiangin an sawi tawp thei lo a. Tlangval ta fam mahni run lumah a lungpui hun ngawt theih reng bik si loh a, nula rim a thiante bar rual a ban te lo ngai ve thin chang a awm lo thei lo a. Chutia phei a han khai ve chang pawh chuan a mawng a nghet thei meuh lo. Taksa chuan inchhung mawi mahse rilru erawh chuan khawdang a thlir lo thei lo. Mahniin kilkhatah thiante nula chhaih vel chu a lo en tlawk2 a, chutiang a hlim tak a a fiam ve thin lai te chauh lo chuan a ngaihtuahna a fan thei meuh lo. Lenghnawt ar te khuang hma a tih thin nen tunah zet zawng a nghahhlelh ber a nit a fo mai. Aw khawvel hi chu a lo va bungbu nasa thei thin em.

‘aw le mangtha en chhim loh di

vankhua a zau kar a hla

tawnmangah tawh leh ni her sela

thutin i hril dun ang.’

A ni atan chuan engnge sawi leh chuan tur awm taw hang. Hmangaihna beidawngin a velh tawh tan mitttui hulna tur reng a mawi tur he khawvel hian a la hmuchhuah mauh si lo a leh.Duhthusam ram a chen a, duhthusam a in hnem hnan mail loh chu !!!... dem thei kan ni lo,, aw kan dem mawlh lo che. Lunglen vanga fam Lianchhiari meuh pawh hian ‘aw ka unau’ a tih vawng2 che a ni kan rin ni. An tan khaw eng a tawi lua a ni e. He khawvel lo zau lutuk te hi kan hmuh mawh mai dawn a mi. Nia, tawngmangah tal chuan hmangaih kal ta te kha hmuh leh a mawi thin. A tak ram chu ‘tawn loh sa bawp’ chang tawh mahse kan rauthla tal a han fan leh a chakawm thin. “Zanin ka tawnmang chu e’ tia duat taka a hmuhthu a hrilh lai te kha a mitthla ah chuan a cham reng a, mahse tunah chuan han sawi chhuahna tur beng kawl an awm tawh si lo. Hlim taka a hrilh zawh a, nui ri her2 in ‘ tak2 maw’ a tih te kha boruakah a thamral zo ta. Tunah chuan a tak beisei chu sawi loh a lum , tawnmang lamah tal pawh tawn leh ni her chhuak thei se tiin hmalam a thlir ta vawn2 zawk si a maw…

‘aw chhawrthla eng hnuaiah

mahten duhthu ka sam a
luahloh tur di mahnila parte

ngaihlai ka bang lawng che’

A vawrtawp kan thleng ta. Beisei bo beisei thin hringnun hian harh chhuah reng a phal lo a ni. Lalzoa meuh pawn hei hi a nunah a hmu chiang khawp mai. Chutia tlainin tla a thlir zuih rial2 lai te chuan eng thu dang mah a ngaihtuah thei lo. Atan chuan chu chungturni thlak tur a chhawrthlapui lo eng tur chu tawrh a har leh dawn tih zawng mai loh chu. A ni, chumi eng hnuai-ah ngei chuan a ni kum kha chen duhthu a lo sam a, ngaihtuahna ram lama a lo chen fo thin ni. Koh kir theih tawh loh koh kir tum a a lo kir nasat thin zia te chu han dawn kir thin mahse a beiseina chu a ti thlawn duh bik chuang lo. Mahse hmangaihna dik ziarang chu a ropui zia he kan Lalzoa nunah hian chiang takin a lo par chhuak a, a par mawi chu keini a hla lo ngaithla thin te tan hian chaw duhawmah a lo chang ta thin a ni. Luahloh tur a ni tih a hriat reng tawh mahse a hmangaihna dai lo tur chu hrereng chungin duhsakna leh hlimna a hlan a bang chuang lo. Awle mangtha mai le, I duhthu ang ngei chuan he lei hi chen la, I hlimna chu umin he lei dam chhung tawi te hi hmang ang che. I kalsan tak rilru ruak hi chu lo hrevereng thin lo mahla , mahte a runhmun I nghah changing leh nitin nun buaina laka I hahchawlh chang apianga I nunhlui te I ngaihtuah chhuah ve chang tal chuan I hnuchhawn ram hi chu I lo hrereng ve thin dawn nia. A ni I tan ka nung thin a, I tan hian leipiah lam ram chu ka la pan ve ngei dawn a ni tih tal hi chu I min lo hriatsak ve thin dawn nia.

Duhtak ‘mangtha mangtha’.

Ka penna kawngthuawm hi a dik hlel deuh em aw !!

2009-09-10T23:16:00.000-07:00

Kum khat na harsatna awm lemlo a ka zawh hnuin hei a kumhnihna leh a tawpna tur chu thlakhat chuang ka lo vei harhpui leh ta reng mai a, lehlam zawng tak a ngaihtuah chuan kum te pawh a liam chak lehzual hian a hriat thin.

Tet zual lai deuh a sikul dar ri vawl2 ralkhat atanga kan hriat a kan hlauh thawn thin zia leh , 'aw' ka tlai leh ta tih pah a kan tlan vawn2 lai- engtin nge voiin chu min hrem leh dawn ni tih ngaichang reng2 a thawk a hah thin na te pawn mual a liam tawh a, tunah chuan tlai deuh pawn 'lungte' in thingthit hnan tir kha a awm ngai ta lo.

Lekhazir hi a nawm viau lai hian he lei kalphung hrim2 hian nuam dang a lo ngah ve nen a hnukhawi atan tir a awl fo thin zia hi kum tin kan hre chhuak thar thin. Summer haw lai kha chuan ka chhuk hunah chuan engthil dang mah ka in bawmbuai tir tawh lo ang tih rilru siam fel kha ka nia, mahse a lo ni chiah bik lemlo. Zan mu chunga ka han inngaihtuah melh2 thin lai hian ka chhiar tlem zia leh ka hmabak ko zia ka hre chhuak thar leh uai2 thin a, a chang chuan ka hlauthawng hial thin.

HE nunkawngah hian hlawhtlinna tur talent ka nei a maw tiin ka lo ngai thin, mahse ka dik lo. Thil tam tak ka tem chhin tawhin ka tawn hriat pawh a tam tawh hle, chumi karah chuan ka thiam leh theihloh zia ka hre chhuak tam telh2 thin. Mi ka awt fo a, tun min awh lem ka hrelo. Vanneihna leh vanduaina ten kan chungah ro a in rel chhawk reng a, hlimlai kan chen a maw tihlaiin beisei loh lam chanah sakeipuiin min ha hum khum leh thin.

Ngaihtuahna hi eng atangin nge maw a lo in tan meuh le !!! Mihring hian kan pianpui ve reng nge kan tawn hriat chhawp atangin nge midang te hian min fahlui zawk aw. Communication theory pakhat 'agenda setting' tih ah chuan mass media hoin kan ngaihtuahna leh sukthlek an mahni duh dan leh remchan zawnga an her rem leh kan ngaihtuahna min hneh theihdan an sawi a, a awm ve viau in a lang. Khawvel pum kal phung hrim2 hi inthliarna a khat a ni a, racism kan ti emaw, communalism emaw et al a eng zawng pawh lo ni ta se kan in thenhrang a ni. Nei leh nei lo te kar kak zau thin zia pawh hian sawi a la hlawh chho zel dawn niin a hriat thin.

Engpawh nise beiseina neih chhung hi chuan kal kawng a awm ve leh maithei thin a, chumi rin chhan chuan ke ka la chheh ve zel chu a nia, a kawng a chho ulh tan mah2 niin ka hre ve fo thin a ni.

An Aura of Khatla 'S' - 2

2009-07-27T01:32:00.000-07:00

kawng awlsam a ni lo.

Its a child's play

YMA chhang in Mizo traditional dress called 'Ngotekherh'

Cascading falls

KTP fish stall

Where all the waste go !!

the experienced driver's @ work

Portfolio - 1

2009-07-19T23:49:00.000-07:00

Street of Khatla - call of the dusk

The father and the son

An opportunity

Aizawl Theological College

Khuarel

2009-05-19T13:28:00.000-07:00

Khu vung vungin chungvansangah,

Turnipui a hrang zel laitual rumin,

Lentuah zai zia ka rel thei nem maw

Ka di sakhmel chhai turin.

Laitual tuan han rel dawn ila,

A sensa hnuaian lairil reng a phur si lo,

Tui um kuahin khumtlang belh reng mai,

Chhun changah pawh ka nuam zok e.

Tomir a kai, ni a kir,

Vawkhniahzawn thla a de leh ta,

Pu Vana pawn a khuang a beng leh ta,

Rum rum rum e kawlvalen'an.

Mal te tein lo kir e chungruahpui pawh,

Hringmi zawngte lawmzai rualtirin

A hmei a pa a lian a te,

Pawnah lawi e ruahpui lawmin.

A tla phuar phuar duh ai liamin

Chiar zuk zuk ta lamphei zawng te,

Hlimlaini puan ang bangin,

'Thuam tin ro thei lo' tiin phun ri duar duar e.

'Ber thla lo thleng beihrual a ri,

Hawklak rualin thlahlei nga lo lawi e,

Awllen chenin rawlthar tin reng,

Sial ang lawi e chhailaidi runah.

Lalpianchamphaphak a lo eng leh ta,

Rokungan rilru awi tharin,

'aw a va mawi em he ni lawmawm lo thleng hi...'

Tiin ka' tinreng kan phut dial dial e.

Sik ni eng mawi a zual thar leh a,

Zikpuii pan a thiam thil min lo fah,

A mawi zual e zing boruak thiang

Daduhi aw tliang ri rel rel chuan.

Ruaipui kharin,hulum a reh,

A pianna Bethlehem dai kan rialsan ta.

Sangboihi zai ri chuan kil tin a nghawr,

Kumhlui ngaiin kan kur ruai e.

Kumthar hmathar lak a hnai,

Rilru a insual kawng siah en tur zawngin,

Hmalak sual leh tam hmahruai thlen thei

A hah thrin ngei e chhung 'lairil'.

Chutin bu kan let leh khawlum sepin,

Ngaitein maw khawrel lo her leh e,

A kalphung reng a dang nem maw,

Hringmi 'duhthlanna', 'tumna','hlawhtlinna' leh 'hlawhchhamna' mai chauh lo chu.

Ode to My Family

2009-04-03T15:25:00.000-07:00

Hringnun bul min tan puia,
Ka kawng dawm a, kawng min sialin
Pheikhai rualin hlimten khuanu maltluan chawiin kan leng za.

He lei maltlatna rama min tuam hlawm tute-
'Ka chun leh zua, unaute'
In tello chuan he nun hi engtin hmang ang maw !!

whisky bottle comforts me!!

2009-03-26T11:47:00.000-07:00

ka chau ngang a niang chu room ka lut chiah chu khum ka chuh zawm nghal a ni deuh mai a. hna tul leh zirlai thil vel vangin infiamna hun mumal a awm meuh lo a, taksa sawizawi nasat ber pawh cycle khalh tih vel a ni ta mai nen tlem a tha a han chet nasat chuan rilru bak chuan a lo zo mang ta lo a ni e. inbual fai hmasak chu khawilamah, a langsar lai ber hmai takngial pawh phih pheih lo chuan mumang ram lamah tal hahdamna zawn tum chuan ka let thawk a, mit ka chhing diar2 a ka muhil chhhunzawm chu a ni mai reng a. chhinhnih khat chhunglet ka chhing hman awrh a nge tih velah chuan roomate te leng haw an lo ri lut hlut mai a, mumang ram lam atang chuan hnuhkirin ka awm leh ta der mai a. peihlo angreng leh vui hmuipu deuh tak chuan kawng ka han hawnsak a, kan ri ta hlut mai a, thinrim rei theih pawh a ni meuh lo.

Thil lo hawn an nei tlat mai. A ngai te te in maw ni dawn tih hi rilruah a lo lang nghal uarh2 a, ka ti tawh lo ang ka tih zet hnu a ni nangin chhuanlam tha tak a lo awm nen kan hmel a khi leh van2 ta mai. zan a rei tawng a kal leh ta tum loh leh sawi chhuah ngai zen2 loh te hmui an phun rik leh ta sak2 mai. a tuk ah ' eeeee' kan ti leh dawn ngei e..mahse a poilo a hunlai a awm a , hun lai na na na chuan i ti leh buah2 mai teh ang. zanlai ar khuan a hun leh ta mahse awmna mual leh tlang ten a zir meuh lo nen 'ar khuang' tur an awm lo, ralkhat a vai khuang vaw ri lauh thawm chauh chu kan hriat chhun a ni mai a. kan subject thlan lah a in pawlhsawp, duhzawng dang ang2in kan thukau chheh pawh a kal kawi a. Thenkhatin ngaihzawng leh it zawng an lo vawrh uar2 laiin, kil lehlamah chuan inthlan politics a lo ri le lu a, zirlai lam lo rawlh chhen lah bo lo. Thawmhnaw lei lam ringot lo ngaihtuah an awm, music ri bur2 kar2 lo lam ang tawrh2 lah chu bang chuang bik lo. Kan kim thin teh zawng a ni e. Rik rum2 karah chuan kan hlim viau mai zel e.

Khuantevik vel kan thlen meuh chuan kan thluak pawh a lo chau ve leh ta deuh a, rimawi ngaihthlak duh zawng pawh tlemin a nem chho ve ta deuh. Zantir lam a hip and the hop tak meuh2 z sik pui ngai thin music kha chuan kan beng a fan zo ta meuh lo, bengchheng mai a nihna chen a awm ta tlat. Youtube kan browse neuh2 a thianpa pakhat chuan tum ltk lem lohin Bon Jovi a han hmet chhuak nawlh mai a, lung te pawh a ti leng thar khawp mai. Chuan duh zawng in ang loh nuaih chu hla pakhat hian min han phuar khawm ta tehreng a, kan nunchan mek nen a lo inhmeh bawk deuh nen vartian a lo nih meuh chuan tumah dang ngaihtuah ta lek lo chuan ' whisky bottle comforts me, and tell me not to cry' kan ti ta ruah2 mai a.

Kawlkil pawh chuan enna a lo pe chhuak leh tan ta, tin zai rel a hun leh ta der mai. Naupan zual lai te chu ni sela 'tin dialah ,tin dialah naktuk ah khuavar sela inkawm leh dial2 ang u... mahni in lam hawi theuhah' tiin kan inthlah tur. Mahse khawvel a dang zo tawh a, kum lam ten min nawr tawm ve tawh meuh chuan chutiang sak a rem ve tawh chiah si lo a, 'mangtha le' in tih teh tawl hian kan in thlah mai thin. Englekhawle dam hi a hlimawm a, a nuam a, in mangtha thei a kan la awm chhung hi chuan lawmna tur kan la nei e tih ah hian rilru hi i dah nghet phawh mai teh ang...

'Dyin' ain't much of a livin' for the young ...

And I hope someone will pray for me

When it's my turn to die... pray for me

the first fall

2009-03-22T11:26:00.000-07:00

first drop of hyderabad summer rain!!

the eye

2009-03-19T04:18:00.000-07:00

Face of a million

i took this picture during our trip to Divya Disha (an NGO in Hyderabad) street children home. i'll update a complete profile of this NGO in another post. having face to face interaction with the kids who doesnt have a place to call 'home' and seeing how many are actually out there ( not really this home is just a speck of the bigger spectrum) make us feel really small.

Chapchar Kut

2009-03-12T23:38:00.000-07:00

Hei hmundang a han awm vang2 takah chuan Mizoram lam a thil thleng te pawh beng chhut ngawng san a lo awl ta riau a ni ngei ang chu - voiin hi 'Chapchar Kut' ni a ni tih reng2 ka lo hre chhuak zo tlat lo. Kan thiannu pakhat a ofis leh ofis loh thu ka han zawhin min hrilh hlauh a, ka veng ve huai mai.

Kum tam tak chu la liam lemlo mahse kan rilru te a la thatlai zek zawk leh taksa ten min la zawh viau lai hun a 'khat hnih thum-vei ding' kan tih ve thup2 lai thin te pawh thlir kir a awl phian. College kal tan tir te kha kan la ni bawk a, a nuam ve thei thin hle mai. Kan veng velah hnam lam zir tur tih an han puang lauh2 a, kan hawklak tei chhuak ve kha tum leh beisei aia rein kan in 'di' chu a ni ta reng a. Chutah tlemin kan kal thui hret a, Art and Culture dept. lamah te thleng2 khan thla thum teh meuh mai kha lam thai zirin kan chhuak nitin ta mai kha a nia(h). Ngaihtuah let leh rauh2 hian a mak te tih dawn thut2 chang a tam mai, mahse a lo mak lo e tuina a ni miau a, a vawrtawp thlen pui law2 mai te kha a lo ngaihchang a awm chawk a ni.

Mizoram hmun hran2 te kan han hrut ve a, beisei loh lam2 pana bus bang beng ri thap2 pah a zai that2 chang te a kak nuk bawk a. Ngopa zin mahni chauh a in khat diat2 kan han thleng mai te kha, puitlin zirna tana khan poimawh tak a nih rualin a hunlai kha chuan chawbar tam a har ve thin kher mai. Thiam ber tih tur khop te ni bik lemlo mah ila, a hminga 'certificate holder' nih ve takah kha chuan 'official-ambassador' tur thlan a ngaih chang khan kan tel ve leh nawlh2 thin a. In rin hma hmain Delhi tlang lamah ah te kha rellu khu vut2 poh kalin kan dak ve leh vung thin. Goa kan kal tum tluka aw!! rel a chuan a rei ka tih tum kha tun hnu thleng hian ka neih leh pawh ka inring lo e. Guwahati atangin direct train-in Bombay ( la ti hrih mai ang khang lai kha chuan a la Mumbai chiah bawk si lo a) kan kal, huiz a rei ltk. In ti hlim tham khawp a tam kan ni chung khan mawng a vung lo chauh a ni e. Bus in Goa an pan kawng a lo tlangram ve deuh leh a khamko kual ve angreng lai te kha a lo awm ang fer fur a, Azl lam ngaiin kan kur ve nguai2 hlawm tak a.Tumah dang awmlo a han in chul nel na na na hi chuan a tir a in lunglen lemlo te pawh in par chhuah duh viau e an tih fiam thin hi a tak a lo ni ngei a niang chu, thlakhat vel kan han tal ho nak2 tawh hi chuan thiante tute emaw hi chuan in then har tiin an in pawm vawng2 haw fo mai. Tiang vang te pawh hi a ni angnge MBBS lam zir a kum nga lai tei hawi ho te pawh hian an zirlai pui an neih tlangpui ni ( disclaimer- ngaihdan zeh telna mai a ni, thutak lak a khuk pui ruai a rem lo i ti mai teh ang u). Tia Rahman an India ram a ti ropui ti a a Oscar kan lawmpui em2 lai hian hman...an an deuh tawh a Delhi mual a President address a show kan neih tuma ' Vande Mataram' tia min awih dual2 lai te kha mitthla hian a thlir kir doh2 mai.

Hnam hrang2, nundan ze dang nuaih, ei leh in lah chu kan bel khaikhup tawk ang mai a in lehlen thah mai kan han thleng khawm a, engmah dangin min phuar khawm lemlo. Kan hnamlam leh hnam nunphung theuh dang nuaih si khan min lo man khawm reng mai kha a lo ni a. Mizo'in kan mau kan han khawngri thup2 a, Naga unaute fei nen an lo zuang ang tawrh2 bawk, Assamese hoin an lam mawi 'bihu' an lo dir pui diar2 a, Karnataka lam te khuang an tlir ang zawt2 a, Coconut kawr kut a kheh mai lo a vawr a lo tauh keh chuai2 lah bang lo. Chumi dawh a chemsei vai lo entir a lo in khak ri ang tlawng2 lah hriat tur a awm zut. Thian tha ve angreng tak2 te khan kan lo siam ve neuh2 a, haw hun tahrik a lo her chhuah meuh kha chuan 'eng eng emaw' te kha 'min hriat reng nan' tiin kan in pe awllo mai thin. Lung an va len si thin tak em !! Ka ral thiannu tak te kha- kumsang pawh damin tu za chuang pawh an mawng beng mah ila in hmuh leh tih reng a awm tawh lo anga, han inhmuh leh ni a zeng pawh khuanu thil tihtheihna hnuaiah hian her chhuak mahse kan sak leh hmel hi kan in hre chhuak tawh kher awm si lo a, kan in midang chei mai2 tawh awm si a le(h). Siamtuin a hun te a rah tur leh tla tura a duan lawksak ang mai hian kan rah lai bak hi chuan kan ngaih leh lunglen te pawh hian hlutna an nei tam lemlo a ni e. Kan kawngpeng thuam zawh theuh te hi kan kal thui tawh hlawm em a, kha in tawhkhawmna lamlian khan a eng min mih san ta a ni ber e. Dam tein malsawmna leh duhsakna zurin leilung hi mawi mawlh te u, min duangtu kut khawih nghakin a ramah chuan kan hun leh ni liam ta te kha kan la in hrilh tawn thin dawn a nia.

Ka tum loh lam daihah ka peng thui ta viau mai. Thiannu pakhat chuan tun lawk kha min lo sms a ' hei an lam khu rum2 mai, kan vanglai te pawh a ngaihawm hle mai'. Nia a ngaihawm thin reng a ni 'vanglai' hi. Lammualah lam kan han thai tak2 kha chu ni sa vel vawl tak te khan a nuam kan tihna kha a hliah khuh zo meuh lo. Ruak deuh thawin kan han 'haw haw' tuar2 a, vengtin atangin ka thiam ve tawk ti thiau khan kha mual kha kan khah thin kha a nia, chutah entu mipui lo tlim hmur mai nen - nia a nuam a ni. Mahse vanglai hun an ni tawh tlat mai. Khuangchawipa leh 'nu' an lo zawn chhuak a,a hnungah khuallam a lo in zar pharh darh2 a, boruak hulum a sang tial2, chutah leh thil an han vawr ta tak2 mai a, kan tlan phe lawk2 mai a. Tumkhat kan thianpain 'ar' a man fuh hlauh mai a, a zan chu a nuam thei ngei mai. Tumkhat leh pawh khua tlemin a hnawng deuh a, chhum lei vakin mual vel a bawm ang chiah chuai a, thli hmuhfiah vak a har fu a, program te a zo tawh bawk nen mipui an haw fai ta maw tihah mual sir vel cheinan a 'flag' an tar kan han tak2 mai a, thil 'ru' chu kan nih rualin chutiang zawng chuan zu han in ngai hlawm miah lo a. A hnuah kekawrbulah kan thui a, kan la chhuang phian zawmah a.Mak thei ngei mai 'vanglai nun' kha. Cheraw mawlh mai kha mipui nghahhlelh a ni thin a, nia a chung atanga en kha chuan lammual khat pap mai a cheraw kan kha chu mawi ve tak a ni, a khat a kumkhatah voikhat awrh tiang ang a lam kha awm thin a ni bawk nen mit a tlai ve fu thin ang. Tunhnai deuh a ka thlalak hmuh thar pakhat chu 'Khuallam' lai a ni a, a hmuhnawm ngei mai. Lammual sir kual kha an khah vek a, a mual zui khan an han an puan bah an han zar chhuak thap2 mai a, thil hmuhnawm chu a tling ve a ni.

Chuan le !! tunah pawh Aizawlah chuan ( a lawmna pui ber a nih vangin a hming hmerh mai a ni) an lam an thai leh mup2 tawh a nga. Lammual pawh a khu leh rum2 tawh ang. Taksa hi chuan a hlat vang2 viau nangin, rilru chuan phei a khai ve mawlh2 reng a. 'Tum boh boh tum boh2 ' ti thet2 pawh tunah hian ka bengah a chamreng mai. Aw le kha raw - sarlam thai ang aw tiin aw fiak tha deuh an ri lau2 a, thianpa Ate-a te hoin in la senior takin khuang an chuh leh sung2 tawh emaw a ni ngei ang le, chuang khuang an beng ri tan - ' in peih ru' khai le - khat hnih thum vei ding aw aw, chem vai kha uluk deuh rawh' khawnge vaivuk hi i han pal khu lui teh ang, kan paw ta sa sa...' E khilai kila in thlak sawk2 khi Heleni kha a nih khi , Tlangnuam ho a lo hruia a ni maw' .. 'hei hei Ma- He, dam a maw, i va han vang em2 ve'. Kil khat ri nuaih2 atang chuan aw hriat thang tak mai a lo ri chhuak a - ' rb, teh mial che chuan khawnge i awm bo vang2 a, i lo la lam ve reng a ni maw... i zin leh tawh em?', ka han hawi a Saikhamakawn lam thianpa lo ni reng chuan - 'zin hman pawn ka awmlo, hmundangah ka awm a tunah pawh ka lo haw remchang em a, ka tel ve chang ngang a niang hei ka lo in thiat ve tawp a nih hi practice pawh practise lem loin'... Ka han hawi kual a, hmel hriat ngai loh tleirawl, rawlthar chhuak erh-awrh chauh tih hriat ngoih2 karah chuan thianhlui te hmel a lo eng ve leh pheuh2 a, kan lo 'u' ve ta deuh a ni ngei ang chu, mahni awmna theuh ah chuan rawn leh a kawkkual tu an ni ta deuh vek mai. Lam han thai rual kan ni ve ta meuh lo e, khuang bu leh dar bu chai peih tawk2 chauh mai kan ni ta. Hun hian min lo hmer na ve sawt hle a ni, kan tawngchham ta deuh hu vek mai.

Ni a her bawih tawh mai, mipui pawh an tin ta pheuh2 a, kan kut neih chhun leh hlu ber pawh chu a zo a ni ta deuh reng mai. A hawklak zual lem mualah chuan an la su lauh2 a, mahse chung zawng beng khawn an ni ta lo. Nghahhlelhber a huho 'CHAI PUI' a zawh meuh hi chuan kan kam duak thin reng a ni. Khawnge nula no nalh deuh i han 'chai' pui teh ang tih rilru rengin a hma atangin vengtin kha mitin a lo thlir kual ru ran a, chutah 'saw zet chu a kethiah a no nalh ngei mai' tiin a rukin kan hnaih tial2 a, K.C Runremsangi ten 'German ral run' tih leh eng eng emaw han han thuro zualko pui hlawr2 meuh chuan an bulah kan lo tawlh lut der tawh mai thin a, lam thaiin kan lo in kuah leh chial hlawm reng mai thin.

Ti chuan, hunbik nei a nihna lang thar lehin chu hun hlu leh ropui tak mai chu kawlkilah a pil leh mek a. Nakumah kan ti ho leh tak2 dawn nia - khuangchawi vawrh hunah chuan chan khan ka hre tawh... tih a in hrilh diat2 hlawmin kan in chibai sang2 a, mahni runlum lam bel turin kan phei chu a in khai phei ta tham2 hlawm a ni.

'Chapchar Kut' hman nuam leh chibai vek ule .

mumbling

2009-03-10T23:06:00.000-07:00

just for a few round ups and to keep my piece in pace with the ever evolving life. just a couple of do's and dont's and a mouthful a saliva spitting besides the coffee shop, my imagination run wild - keeping track of the passing beautiful elegant merc. wondering 'will i ever onboard'. this unfairly built world still subdue me so much that it leads me into a state where 'evny' and 'jealouse' are the only things that i remembered. My life, still beautiful though.

lean on me

2009-03-04T06:02:00.001-08:00

aw awi no nalh tak mai leh damdiai mai, a pian zana beram vengtute hriat tluk a ri mawi chu a kil thim lai a tang chuan a lo ri chhuak riai riai a - 'lean on me' , a ri fawn zawih lampang, a silar in thluk thlak thleng hma deuh chiah si chuan a lehlam atang hian mawi tawk chauh tak mai a thum hian, ri hum2 ni lem si lo mahse a soprano a ni lo tih hriat ngawih2 bawk si a dam leh ri thum chuan- 'lean on me' a lo ti kal ve raih raih bawk a. Chumi in thlakthlenglai a ri awl hman chiah bawk si lo, in thuah khum lawi bawk si lo tawkin Orchestra ho chuan rual nalh leh tang angreng tak tho hluai chiah ni lemlo, min awi mu mai dawn a lom le han tih tur khop a music fan ni chuang lo, thlangsap ho te chuan waltz han siksawipui nan a nuam tawk e an tih tur ang vel chuan a lo fawn chhuak ve mek bawk a.

Ka en reng a, an hla khawvelah chuan ka chengngang a niang chu khawvel dang zawng2 chu ka beng leh ka mit chuan a kharkhipsan a- chu hla lipuiah chuan ka in chiah ta veng2 mai a. Eng a lo lut riau2 a, a zai tute pawh chu muang chang hian an inpho lang tam telh2 a, rual tak mai hian an su dual2 bawk a - khawvelah hian malkal thei tumah reng kan lo awm lo a ni, lungte leh lunglian in kam ki ang vek hian kan in do kang theuh a, kan par kan chuang hlawm theuh mai zawng a ni e - 'we all need somebody to lean on' pakhat hian a ti zawi raih2 mai a. Kan hla ngaihthlak chu a zo a ni ngei ang chu stage pawh chu a thim leh tial2 a, aimitthlawn ang mai a bangbo a kan men leh hnu chuan dar a lo ri reng2 a, mahni thuthmuh thawhsanin kan in di chhuak thliar2 hlawm a.

Ka rilru ah chu rimawi chu a la chambang reng mai a, eng ber chuan nge min mawlh pawh chu han malmak tur ka hre chuang a ni zeng bawk si lo. Mahse ti hian a hmawr chu ka han bawr ta ringot a - "Can i lean on you"

sample of my project

2009-03-01T13:17:00.000-08:00

Though its a lame post, but the intention was not for publishing but to save the file and ease of retrieving from anywhere anyplace in the world ( as if i'll be beyond the confinement of Indian border). When you fall in love 'first cut is the deepest' and in the creative world 'first attempt is the most treasurable of them all' inspite of being the most un-creative. Here are few of my first ever 'out of the box' creation which i'm really proud of (restricted to my own opinion)

DESIGN #1

first attempt- not accepted due to the pixels issue.It seems when you zoom out the picture is not good enough for printing. I'm proud of the design though( from the benchmark of me being an amateur).

second and final attempt - not sure whether this has been accepted or not as i'm still waiting for the verdict. after a few sleepless night and stumbling number of websites for the background image this is the outcome. thanks Tete, for your kind permission of letting me used your 'band' name - peace .

DESIGN #2

i was taken by surprised by the sudden questioned of my Prof. regarding the theme that i choose for our poster assignment, there was no time for a second thought -what ever strike you first has to pour out from the mouth instantly -and i cried out ' tourism in mizoram ' and then i stuck to it. i dont have any pic. collection that (from my perspective) is good enough for selling Mizoram as one of the best tourist destination in the world ( though some may called it 'switzerland of the east' which i didnt find any connection unless 'the west' has a development issue). But the last minute realisation lead me to Taia's room (a Ph.D student of Univ. of Hyd.) who in turn came to be my saviour. But again the same issue prevails and the above creation has to be discarded. I stayed awake till five in the morning shuffling -photoshop-ing' the selected one which was later classified as not good enough. Anyway thats the life of being a student who obey orders and execute commands.

being dejected and humbled by the rejection of the previous two designed, i followed the protocol (as being a student). after a long painful search i found the above photo - it was taken by Zorami during her trip to Zote ( a village in Mizoram). the picture is so breathtaking that i can't looked further. apart from few contrast and brightness tweaking nothing changed from the original. Verdict, as previous, still waiting.

a thilsiam te

2009-02-25T13:16:00.000-08:00

rilru kap tu tak zirlai te ni lem lo a awm a cheng ni chiah lo mahse, blog update khat ltk zawng a fel lo e tih thuah a kar awl hnawhkhahna ni pahfawm angreng takin, buh chhip ang vel mai2 a phuaiin thumal fahrah tete i han far khawm tir teh ang.

khawlum leh riau tawh mai hian nunphung ti khaihlak lutuk lo mahse a hreawm tawk fang lek chuan min chiah piah ve hle ta mai. Zanlamah lah thosi nen kan zi nuaih2 mai bawk si. Roomate tihdan takah an vai hian voikhatah min seh rawn ta seng kan kang hluai mai thei ang a tih pawh a rinawm rum2 a lom le. Chhunlam ni seng mit chhaih hian ka bu a ni ber e tih ni awm takin mit lah hi an bawr sek a, pathianin a duh taka min siam ve ni theuh mah ila a chang hi chuan a kuthlei thil tih mai2 leh mihring min fiam nan a din ve emaw tih mai te pawh a awl lek2 mai. Eitur han dah tha dawn ila nipui thawk ruala hnathawk tan thin mi taima leh taifen nei miah lo a thawk mawh fanghmir hian a rim an lo hre chak nek lehnghal a. Nikhat chu sawi lo voikhat khartung sawn chhung hlek pawn an lo phu leh hluai hman zel mai si a. Khawnge ei duh inang tlang a lom han tih a ben thuak2 a han eipui mai lah hi a rem chiah bawk si lo nen, khalh khawm veka hal rem vek nap tak hial mai chang a tam mai. Khawlum khoih chauh deuh hnawp hnuah han mi zangthal ila, chunglamah lah chuan maimawm lam lahin ka ta ber a ni e tih ni awm ziazangin an lo inkaihpharh ang huang bawk a. Naute fel tak2in an phur thut changin han hawlfai ang duak2 thin mahse a ngaitein kar loah kan in par khum leh ang bawr2 reng tho a.

a, a enga pawh chu lo niin, in chhaihbuaiin han in kham viau thin mahse 'pathianin lei leh van a siam... a en a tha a ti em2 a' tih zing a tel vek kan ni miau mai si a, kan hmuhthiam loh ah hian a ruattu leh dintu hian hmuhbik a nei tih zawng a chiang na meuh mai. Tet laia kan zing thin pakhat 'engkim mai hi kan tan a tha turin a ni a thlen ni' tih te mai te hi awih har zawng tak khawp a kha a nih chang a va tam thin em. tunah ka awmdan te hi ka duh leh ka tan a tha tur a nih hi ka ring thei meuh thin lo, mahse remruatna neitu chuan a lang piah a hian thildang a hmu a ni ngei ang le. pawnlam hi hmuh a awl a langsar ber bawk a, nia mihring mit hi chuan a hmuhkhum thei meuh lo a ni e. lehkhabu a kawm atanga a hlutna teh nen hian a dang meuh lo ni awm tak a ni. he khawvel inring tawn leh in chhawm tawn ramah hian han insawisel chuang bik tur hi lo awm lo a, keini mizo sa duh tak2 te hi kan zingkar vuak thluk tak ransa tam tak te khan aw kan tangkai lo hi an va ti ve dawn tak, an mahni suat tur ringot a thil nung awm ve avang hian an siamtu an dem ve ngei ang le. thosiin min seh a thak tih mai2 leh mit an chhaih ning em2 a a siamtu muhpawh han tum uaih2 mai te, kan eitur min lo ei khalh mai an avanga tum bur tak mai ringot te, in chhungkil khat a chhungkaw lo chawm ve tum a, lo in phhiar ve mai te hmuh mawh em2 ringot mai hi kan ti tur a ni ber em aw !!!

a chhanna a awmlo. kan hrelo nge kan hre duh lo.. a chak chak din chhuahna ramah hian a dingsang pawl nih i tum zel phot mai teh ang

An Aura of Khatla South - 1

2009-01-27T22:48:00.000-08:00

an worm view from Tlawng Road

Tlawng Road

part of Khatla South Cemetery

Reiek Road

a diagonal view of Khatla South church

Ka ram

2009-01-22T23:09:00.000-08:00

'Kumsul liam hnu...' tih hla te kan sak nin hnu leh a phawvuak boruak lum tak2 ten daih lam an pan leh tawh si, thlasik thli tho vawt vur2 mai te pawh nipui thaw tan tirin a pawlh dal a, chungleng sava khawlum lam pan a pem pawn an inhliahkhuhna hnuchhawn a mahni tobul lam hawia an hram leh tak tliar2 hnu, chawlh runpui te a han han meuh chuan nun ah pawh thu tam tak chu a lo tling khawm leh hnur hman mai. Hmanah chuan han tih pui hluia tur thil pawh kar tam tla lem lo mahse a kat ve nuk a, kei ber ka ni tih tur tawk a fam mal angreng tak si te pawh a sir kilah a in thiat hnawk ve nuiah tho mai.

Thiante losul haw leh kal lam, 'khawi lam nge' emaw 'nge i ram lak chu a an' han tih ang tawngkam te pawh a awl lo angreng viau a. Chawlh lai a ni a awmpui te leh rualpui ten mahni inlum lam panna rellu te, chunglawngleng te leh a dang eng2 emaw hmanga 'hmangaih te tualchaina' lam an han pan tak sap2 a chhin chu lung te pawh a hnur awh ni lo a leng ve veng2 thei mai a lom le. Mahse remchan zawkna te a lo her chhuak ve leh zel a, a hnu khawiah tlumtea iang angreng deuhin a ram kan han thianfai chawt2 a kan zui chho ve leh chu a ni anglawi a.

Mizoram kan han thlen meuh chuan kan phovo mai hian a hriat thin ka ti. Khawlum leh vawt tak2 in pawlhsawp nuaih tlansan te kan ni bawk nen, ram leilung rualrem lo nuaih karah thlifim fir tak maiin min lo khualchhawn a, khabe sawi hlawk2 in ha chang te han in khawng ri boh2 mahse a nawmna leh ngaihngam taka 'heihi ka ram' ka ta bik kum sangbi tam liamta atanga chunglam remruatna avanga 'kan' -thinlung phelh miah loa- ti a kan ngam patna hmun, khawi kil tin pawh hawi ila 'i dam em' han tih mai theihna leh ' e dam e' tia min chhan maina tur ram a ni. Khawvel in a khualzinte a hipna tur a an sawi pawimawh thin te chuan han bualin han tuam ve im iam lo mahse keini mizo-tiau chhak lam chhinlung chhuak thlah te ho tan chuan a hlu a ni, a ram nawm leh ropuina vang a ni ber lo, rilru thlamuanna kan neihna hmun, thiam thu pawh duh ang thal a kan sepui chhuah theihna hmun a ni miau mai a.

Hnamdang thian hawklak deuh leh han tawng duh deuh te hian 'in ramah chuan eng nge tlawh tur te awm' emaw ' eng nge in speciality na' tih angreng min zo fo thin mai a. A chhan har tih chang ka ngah thin. Kan ramah lo zin rawm u te han in ti ve chawt2 thin mahila, kan tlangram chhengchhia leh bumboh bak han kawh hmuh tur reng2 hi kei chuan ka han ngaihtuah chhuak mai thiam thin lo a, chu lah Himalaya lam tlangsang te khian a mawina ah hian min awp hneh angreng hle lawi bawk si. Mizo hmanlai khawhlui a replica an siam tha leh a, chute chu han ti dawn ila nikhat han fan kual bak daih a ni leh chiah bawk si lo a, millennium centre kan nei a 'lift' te , 'escalator' te, dawr te a awm han ti ila a aia ropui zawk a in kal thleh nuk angreng bawk si. E taka 'you know, we the mizo's are 100 percent christian and do you wanna know how a real pure breed christian lives their life- if you do then Mizoram is your destination' te han ti ngawt dawn ila tumah hian kan ngam chiahin ka ring si lo a. A kan dam a nga, ram a thang anga, kum tam a vei ve leh meuh chuan hmai uang tak leh zangthal ha in - e mizoram chu 'Switzerland of the East' tih hial a ram nuam leh theng thaw nuam, rilru chawl hahdam duh leh taksa chau zual te tana duan bik ni awm a thawveng, lungngaihna ten ral an kaina ram te pawh kan la ti ve hial maithei asin.

chawlhna tuikam

2008-08-26T01:23:00.000-07:00

ram ropui tak chu zawngin, hling leh hriam tam tak ka lo paltlang ta. ka hma eng te tak te chu a len telh2 beisei na nen ka pan tawk2 a, mahse ka hnaih zawh poh leh a te emaw tih mai turin a thim si. chu ram nuam leh chawlhna tuikam ah chuan ka hah ka sawr fu thei anga, ka thlan te chu a tuifim hmang chuan phih faiin, chu boruak thiang tak chuan ka thinlung ngui te chu ka chhem nung thar leh dawn a ni. beiseina hian nun hi ko kal thin mahse, beiseina beidawng a thlen meuh chuan nun awmzia hriahthiam a har duh ngei mai, a nat em avanga he hringnun hmachhawn ngam lo a mahni taksa ngei pawh fam chantir kan kat nuk reng a ni.
chu huan a par rim te chuan ka hnar na tawng vai2 a, a hmun mawina te chu ka hmu pha vuai2 bawk a, mahse a par kung dawn meuh a a rim hip lut tur leh mit note mawi khop a thlir tur chuan ka hma kawng chu a la inphar thui hle si.
ka phur chu rit tih chang a tam thin, ka zo lo tih paha keuh thlak rawp mai pawh rilru chuan a tum ut2 mai thin. mahse ka phal mai si lo, chu ram lo pawh chu a tam a lawm tihin in hnem ka tum fo a, kawng pheng thler sung zinga pakhat ve mai a nih zia chu ka hre meuh mai. ka pen lohna aia a nawm zualna bik sawi dawn ila ka thiam lo, beiseina'n a ni ka pan ni; ka thinlung kawng chu ka zui a, ka kal ka kal mai a ni.
famkim lohna khawvel a nih chhung chuan kan famkim si lo, tlinlohna ramah hian kan tling lo vek a, kei ngei pawh; midang pawh. ka puak phur chu nghatin kawngkam tui chu dawt chang ka ngah mai, mahse ka kalsan hlen thei si lo. min phuar tawh a, min tawn bet tawh a, ka tan phelh theih a ni tawh lo. phelh tumin awmzia a nei hek lo. ka kalsan hlat poh leh a hrual a pawt zim a, a valh a na ting mai a ni. mahse, mahse zan thal eng hnuai a mahni chauh a khua ka chuan chang chuan zalenna nun chu ka thlahlel fo thin si.
chu kawng chu a thim ta a, eng te reuh te pawh chu a alh zo ta lo, a mut ringot ta a ni. mahse kum kha chen ka beiseina nun kha ka paihthla mai dawn em ni ang, nge chu a vam tlem te eng de zeuh2 chu thingtang vur belhin ka chhem alh thar leh dawn ?.
duhthlan thiam hi a har a, chu ai mah a har zawng chu duhthang tur dinhmun a din a duh loh zawk thlan ngai ta si hi a ni.

Nula

2008-08-08T12:26:00.000-07:00

A melh zet chuan hringnun a kuaiher chiang hle mai. A mitmeng pawl ria mai leh a mitmu dum tak ngak mai , a ko tlang bawr tawk chauh a mitbu chhah , siamtu siam dan bak chuan a khawih danglam lo tih hriat taka pawr deuh luih bawk si , a mit sir lama zum chho deuh, a zim han tih dawn lahin a meng kal mai bawk si a, han en thuak a mit la en chian zoh pawh leh hmuhnawm si zet zawng khaw dang han hawisan a har teh zawng a ni e. Chumi hun chhung reilote avang chuan he nun hi a danglam zo a, a la tawn ngai leh hriat ngai loh ram ah chuan hnuh luhin a awmzui a, a kum khaw tanin turah chuan a hun a hmang tan ta nghal a.

Mihring kan lo pian hian engmah kan lo chhuahpui lo a, kan nun'in a tawn hriat atang vek a thil zir kan nih avangin kan upat zawh pawh leh kan nun a hlim zual a, a lungngai nasa sauh a, mittui a luang tam telh2 bawk thin. Chu a zirna atang bawk chuan a ni, a ni chumi hun chhung reilote avang chuan a thinlung thianghlim chu kaih theh a ni ta. A awmzia a hrethiam lo - a na ti dawn sela a hlim bawk si, a hlim tih dawn lahin a nuihpui thei bawk si lo. Hmangaihna hi zawn a zawn chi a ni lo e, a hunah chuan in hrilh hriat chawp a ngai lo a inthlunzawm nghal mai a ni an tih dik zia chu a nunah chuan a lang chhuak chiang hle. A awmzia a hrilhfiah chawp a ngai lo. Romeo leh Juliet-i te nun in pumpek lai kha tawmpui phet tumin a in hrosak a ngai hek lo. Mahse a beisei ang leh a rin ang reng reng chu a ni si lo. Hriat loh leh tu a nih ngai pawh a ngaihtuah ngai loh lakah chuan a thinlung chu hlan a ni, chu mitmeng chuan a hliam a, a tuam damna dang a awm mawlh lo. Cupid thla zap ri pawh hre hialin a in hria a ni. Chu thal fang no tak leh zai sin tak mai chu laipui kah ai pawhin a tuar tu tan chuan nat chang a awm chawk. A then tan hlimna famkim he khawvelin a pek theih lawmna sang ber tawnna a ni awl thung lo. Mahse a ni tan erawh zawng a bul tan dan hrilhfiah a har ang bawkin a tawk bawk dan tur hmuh thiam rual a ni lo. A tan lawm avanga mittui far tir tu tur nge tahna avanga luan tir zawk dawn tih lah hriat lawk tum chi pawh a ni si lo.

A chang hi chuan hmalam hun hriat lawk theih loh hian nun hi a ti hlimin mihring hi min lo khalh phur em2 mai thin a lo ni a. Kan han dawn vang2 a - a kil tin kil tang kan tlawh chhuak vek a - a tha lo thei anga tih pawh hrereng chung khan kan rilruin a buk rih zawk lam kha chu kan pan leh nge2 thin. A ni tan pawh chuan chu chu thudik famkim a la ni reng mai. Vawikhat melh avang chuan suangtuahna sang tam tak a din chhuak a, a remkhawm a, a tha lo lai a paih thla a, a din thar leh a - mahse a tawpah a bang chu chu 'nula' lem chauh chu a ni zel mai si. Bul tan dan a hrelo, a kawng pawh a hmuthiam hek lo. Thimin a hual vel a eng te tak te lo phe zeuh chu changin a thuran a, mahse a awm si lo. Leihlawn awmlo chu a zawng a mi aw !! te pawh chu a ti rum2 thin. Mahse tlawm chi a ni lo a tlawm a tum hek lo - hmangaihna khurah a lut tawh a tan kawngkhar chunga 'puanzar var' thiah kha a theih mawlh tawh lo.

Hringnun hi chu lungchhia leh hlimna kar a tla zep a ni reng a, duhthlanna tur rilru thiang min pe tu hian kan duh thlan a phal reng bawk a, chumi hmang thiam leh inthiarfihlim thiam chuan nun hlawhtling leh hlimna chu an hmu mai a, a bak zawng chuan lungaihna chhum rit phurh chu kan chan tawk a ni.

Hun in a hril ang chu hunin !! aw 'hun' i thlazar hnuia a hringun rem ho thin tan hi chuan i awmzia hi hriatthiam a va har thin em . Naktuk hian eng nge min thlen dawn - ni eng mawi tak chu nge min chhuah dawn ruahpui vanawn tih lah chu a 'hun' ah chauh lo chuan a hriat thiah si loh. Mahse hei zet zawng ka chiang - he hmangaihna thinlung ru bo tu 'nula' zet hi zawng kawlkil tawp thleng pawh ni se - kawlvalenchham pawh thlawh kai ngai mahse a hniak hnung chu chhuiin a la zawng chhuak tho tho dawn a ni. A tan ruah leh ni hi a danglam lo a, hling leh hriam pawh hian a dang zo hek lo. Damna zawng tan nunna tui chu a hnuchhawn theih dawn em ni ang !!!

Man and Woman

2008-07-18T13:29:00.000-07:00

by Krystal

Man: Where have you been all my life?
Woman: Hiding from you.

Man: Haven't I seen you someplace before?
Woman: Yes, that's why I don't go there anymore.

Man: Is this seat empty?
Woman: Yes, and this one will be if you sit down.

Man: Your place or mine?
Woman: Both. You go to yours, and I'll go to mine.

Man: So, what do you do for a living?
Woman: I'm a female impersonator.

Man: Hey baby, what's your sign?
Woman: Do not enter.

Man: How do you like your eggs in the morning?
Woman: Unfertilized.

Man: Your body is like a temple.
Woman: Sorry, there are no services today

Man: I would go to the end of the world for you.
Woman: But would you stay there?

Man: If I could see you naked, I'd die happy.
Woman: If I saw you naked, I'd probably die laughing.

Man: If I could rearrange the alphabet I'd put u and i together
Woman: Really, I'd put f and u together

I found this funny conversations while stumbling - i hope the author will not take any legal action for posting without obtaining a proper permission.

Mi Vannei ka va ni em !!

2008-07-08T11:10:00.000-07:00

Zanin ka office bang haw chu kei leh kei lo ang deuhin ka harh angreng phian a, car kawngkhar a dak chhuak voh2 pahin ka rilru ka han len kual vel mai2 a, eng mah thupui run lam han ngaihtuah chu a har angreng phian. Hmuh than fo mah niseng kawng kam a thil tar vel te pawh chu ka melh let ang hu2 kawng tluan ta deuh mai a. Mahse chutia ka mit hleiin thila a melh kual vel mai2 karah chuan ka rilru hi 'vanneihna' tih hian a luah ta tlat mai a. Thil tam tak chu ka ngaihtuah chhunzawm ta teuh ang lawi a.

Kan hma lawkah hian car pahnih an in su thuak mai a, vai mizia tih takah an rak nasa kawhop mai , engmah tak2 chu an sawi chhuah chu ka ring lem hlei law. Kan tlanpelh lai chuan ka han hawi let thuak a, ti hian rilru ka han kaipharh zui ta mai2 a. Kan awmna hmunah te hian nitin hian accident avang hian mitam takin nunna an chan reng a, kan kawng zawh lai te ngei ah pawh chuan thlarau tam takin an lei taksa an lo chhuahsan fo tawh thin a, mahse hei keini chu engmah harsatna leh buaina awm miah loin kum hnih chhung kan lo tlan tlang ve chu a lo ni reng a. Kawng sira hna thawk haw tur hruai cab lo sawi bawi mai han hmuh changte hian kan chhuanna a ni ve thei tih hi rilruah a riak reng thin, mahse tun thlengin harsatna awm loin in ka tlengin hna ka thawk thin si a. Aw, mi vannei ka va ni em !!

Traffic a jam a, motor kan ding hnuk mai. Chutah, kawngsir atangin mihring an lo tho tuam2 a motor bang leh a bul velah an vei suau2 mai a, eng an ti nge in zawh a ngai lo - kut dawh in leh lo nei lo a, lu nghahna nei lo kawng kam vel luah lum tute an ni. Mihring chu kan ni vek, rilru neiin kan taksa pianhmang pawh a danglam chuang lo, an tahin an biangah mittui a luang ve thin. Hlimna an tawnin an nui hmel a hmuhnawm loh bik chuang loh, inang khata min siam tu chuan duat taka a din vek kan ni. Boruak mamawhin nitin an hnar an len ve reng a, riltamin eitur mamawh ve reng an ni. Hmangaihna chuan a kalsan mai bik lo a, mipa leh hmeichhe inkar rilru induhna piang thin pawh an tawng lo bik chuang lo, chumi luangliam chu tlanin fanau maltluan chawi turin din an ni ve tho. Naupang te pawh sawi loin thil zuarin engmah tih hreh reng a awm lo - kut an dawh , thil an zuar, motor an hru - mitin reng en dawng an ni. Mahse a tawpah chuan 'mihring' vek kan ni. Dinhmun a inang lo mai pawh a. Chutiang karah chuan naupang pahnih chu hlim em2 maiin an lo in um kawi vawr2 a, an hlimna chu laksak theih a ni lo. Engmah an hrethiam lo, khawvel rual awhna chuan an nunah thu a la sawi lo, motor chhunga mi hausa pui2 chu an awt bik lo an kiangah chuan kawr hak tur mumal pawh nei loin tal mahse an zavai chuan chu nun 'hlimna' chu a ni an zawn vek ni. Mahse khua a tlai a zan a rei meuh chuan an riahrun chu kawngkam phul zingah chuan a ni leh mai si a. An chan ka han dawn chuan tuna ka awm dan a ka awm thei hi changsang ka in ti a - 'mi vannei ka va ni em ' ka ti vawng2 mai a.

Mahse ka han ngaihtuah chiang telh2 hian - ' mi vannei ka va ni em ' ka tih fo na chhan hi mi dang vanduaina vang a lo ni fo mai a, chu ngaihtuahna chu midang chanvo atanga ka chhut a nih si chuan rilru dik a ni thei dawn a mi ? Midang harsatna tawh chu khawngaih a hnekin vanneihna ah ka chhiar chuan kan rinna midang tan a malsawmna nen khan a va in perhsan awm si em !!
Ka rilru a kal thui telh2 a ka buai ta telh2 mai - eng chu nge ka nih tak ber ? aw chhan a va har si em !!

Mahse hei hi zawng ka chiang ' tih boral a ka awm lo hi lalpa zahngaihna a lo ni ' tih hi.
Kan chana lawmna hi a lo ni ber awm e lawmna leh vanneihna famkim chu. Kan bul a mi te kan en a ngai lo. Kan neih kha kan lawmpui a kan chantawk kha khuarel malsawmna a kan pawm thiam hi. Mahse he hringmi nun chan kan zir chhung hi chuan thil har ber pawl a ni reng dawn si a.

Engmah lo !!

2008-07-02T12:51:00.000-07:00

ka mu thei ngang mai si lo a, eng eng emaw han chhu teh ang ti ila rilruah hian engmah a lut bawk si lo. tlangval a pumpa ngaihdan pakhat tal paw nei lo a hun hmang liam mai2 ang a ka han in chan dawn lah chuan ka ngaingam chiah mang si lo a, khawnge mel za tlan tur chuan penkhatin hma a hruai thin kha maw tiin hei ka keyboard chu ka han hmet ri ve mawp2 chu a nia(h).

Awmna hmun hian nun phung hi a lo hril khop mai chu lo niin, mizoram angah te chuan hnar bur2 a hun tawh viau a, mumang lamah nula kan rim a nih loh tal pawn thil dang tal chu hmuh a hun tawh veng vawng khop mai a, mahse hetah meuh zawng zanriah kan ei zo deuh chiah chu a ni mai a hei, kan awm chilh ve te a nih loh hi chuan midang nun han sep thiam sak hi thil har tak tur a lo ni mai. Football en a players te awmna theuh kan hmuh theih vek avanga khelh dan tur kan hriat em2 ang mai a thawleng hi a ni ve thin hian ka hria midang nun han critise sak hi.

Hmanni chu kan office ah awarding ceremony pakhat ka thianpa nen kan organised ve a, ngaihtuahna a ti kal thui phian. Hun danga kan hman hi chuan ka ning thin hi ka lo che sekin tumah ngaihtuah lemlo hian ka lo tui lo em2 mai thin a. Mahse mi hmaa han dina mahni a han kaihhruai meuh chuan rilru an pe lo anga a flop viau anga tih ngaihtuah in rilru a buai a, engtin pawn awm seng zirlai hauh ang ngawt khan 'ti suh' 'chutin awm suh' tih kha a theih der mai si loh a. Tawn hriat meuh hi zawng a hluin zirlai hlu tak2 a phawrh chhuan hnem thin teh e.

Shakespeare a tih ang deuh a nun hi lemchangtu lemchanna kawtkai a rei lote lo lang a ral leh ta mai ang hian han chan ta ila, kan eng hunlai ber hi nge kan hlut ber a, a eng hunlai ber hian nge nun ti hah thin ber dawn chu aw !! ka ti mai2 thin. Nausen rilru thianghlim pu a lenlai hun - henry vaughan an dik lutuk a 'Happy those early days, when I
hin'd in my angel-infancy! ' a tih hunlai kha a ropuiin engmah pawlh dal loh rilru thianghlimin a silfai nun kha, mahse engmah ngaihtuahna leh duhthlanna awmlo nun a ni a, engmah lo mai a ni si. Tleirawl - rawlthar nun rilru hah reng2 nun. Ngaihzawng hriat tan hunlai, duh leh it kan ngahzual- mahse khatiang reng2 kha niin ni hian kawlkilah liam pui mahse kha harsa nun kha a lehlam zawng thlir chuan a nuam em2 thung si. Nu leh pa thlazar hnuaiah lengin engkim kha a tawpah chuan a in bawk fel leh thluam thung a. Puitling nun-mahniin engkim mai kan rel a keimahni duhthlanna ngeiin nun a kal a sir kan sawn a. Mahse nun a hlim reng chuang lem lo. Midang anloh hlau reng2 in hun a liam a, engmah tak2 mahni tan kan hmang hman leh si lo. A bul leh tawp inkar hi zawng thlun zawn fel thiam a har em thin a ni e.

Internet ka browse kual mai2 naah Shakespeare a sonnet ka lo la chhiar ngai miah loh ka hmu chhuan a - a nalh ka ti em a kan tarlang ve mai2 a nge...
Sonnet 130 -
My mistress' eyes are nothing like the sun,
Coral is far more red, than her lips red,
If snow be white, why then her breasts are dun:
If hairs be wires, black wires grow on her head:
I have seen roses damasked, red and white,
But no such roses see I in her cheeks,
And in some perfumes is there more delight,
Than in the breath that from my mistress reeks.
I love to hear her speak, yet well I know,
That music hath a far more pleasing sound:
I grant I never saw a goddess go,
My mistress when she walks treads on the ground.
And yet by heaven I think my love as rare,
As any she belied with false compare.

rilru vakvel

2008-05-26T03:28:00.000-07:00

Voiin chu, han ti teh dawt mai ila, kan hna lampang kan chawlh ni a ni ve teh khiah nen hman a awl kher mai. Mahse hman tih avang chuan engdang mah ka tih phah chuang lem hlei law, inah hun ka hmang liam tam deuh a ni mai a nidang nen a danglam em2 hran hlei law. Rilru hi a mak khop mai a, thil ropui dang eng teh vak mah han chai chhuak lem lo mahila chhungrilah hian chawlh tih hriat na hian nuam veng2 hi a keng tel reuh a, a hlimom na a nem chuang miah lo nia.

Khawvel kalphung hrim2 hi hriat chian a har duh ngei mai. Nikum thianpa valpuian min boralsan lai vel khan ngaihtuahna a vak thui duh khop mai a. Eng tikah nge he kohna hian min auh ang a, chhan loh theih loh hming lamna ni chu lo thleng ang tih mawlh mai khan min tuam a. Mahse hun a liam a a ngaite bawkin kan hmang ral leh mai a. Nimin khan hyderabadmizo.org kha thla tam hnuah ka han enkual leh mai2 a, ka thil hmuh hmasak ber chuan thin a thawng kher mai. Dika, kan awm tirh a ka hriat hmasak ve ber pawl thlalak ( a nui sang lai) a lo lang kiau mai a, mahse a thu ken erawh chu nuih zui pui chi a ni miah lo. Mi a thawngin 'mak' tihna chuan min fan nghal a, hun liam tawh min chhui tir a, thil dang ngaihtuah thei miah loin rei tak min phuar ta mai a.

Ti hian ka ngaihtuah chhunzawm ta a. 'Thihna' kan tih hi a mah hrim2 in min zam velna ni lo hian a kut vawtin a khawih a te zir hian kan nunah thu a sawi zawk a ni awm mang e aw ka ti ta rauh2 mai a. Nitin mihring sang tam takin chatuan ram an pan, mahse second khat pawh ngaihtuah zui nan kan hmang lem lo. Chutihlaiin kan chhungte , thenrualten an tawn ve meuh erawh zawngin thil dang reng tih zai a rel theih si loh a.

He lei hi 'the have' leh 'have not' inkarah a che tla a, neitu nih loh chuan nun hi a chau ngawih2 mai a lo ni ber e. An phu , an thawkrim a a awm e kan ti a nih pawhin - kei ve hi chuan a fair hi ka ti thei mawlh lo. Ka ngahtuah nasat zawh poh leh a mak ka tihna hi a zual telh2 thin. A phu a te ka sawi a ni lo, a nei lote neihna hun remchang nei miah lo a khawvel hipa boral ta te hi a ni ngaihtuahna kengtute chu. Kan lehkahbu thianghlimah hian a sawi tum tak hriatthiam chak em2 mai ka nei ve reng thin. Chang pakhat ah chuan ' a nei pek belhchhah an nih tur thu leh a nei lo te laksak' an nih tur thu a sawi a, a ni kei hian he thil hi a awmzia ka hrethiam loin eng ber nge a tum tih hi kan lal Isua hi hmaichhan a zawh ak chak ve reng thin.

Lengzem thar a article pakhat chu pipute nun, hlothlo nun chungchang ziahna a awm a, a ngaihnawm tawpin ka hre ve a. Khang hunlai kha hmuin he nun hian tawng pha ve chiah lo mahse, ngaihtuahna khawvelin min lenpui lai chuan kawtchhuah a nula tlangval inlawmtur in nghakkhawm haw2 ri te pawh min hriat tir ve vuai2 thei a, favang awllen laia nula tlangval rilru thawveng taka inrim thawm te pawn bengrawng an awi ve riai ruai a ni. Aw, chu naupang ho pawh perhpawng vaiin ek tharlam zawng in an vah leh tak suau2 saw. Lung ti leng tu hi thil changkang leh tharlam ber2 te ni loin khuarel min hmaihtir a, thobul min hruai kir leh thei tute hi an ni fo mai.

A tawp berah chuan - thianpa Dika mangtha le !! He hrinmi ram ah hi chuan tawn leh ni awm tawh dawn lo mahse, kan beisei 'lal lenna tual nuamah' chuan kan lalpa fakin kan tlai tluan leh za ka beisei. Adieu !!..

an lungleng ve ngei ang !!

2008-04-04T12:11:00.000-07:00

Tih tur awmvak hek lo ka PC kan khal kual mai mai pahin internet khawvel te ka fang kual a, youtube a mizo hla chi hrang hrang kan dap kual naah chuan hla lunglenthlak leh ngaihtuahna khawvel vah thui thei tir tak pakhat hi ka hmu nawlh mai a, rang takin hun liam hnu khawvel chu ka hmaah hian a lo in lar thar leh a, nunhlui khawvel chu ka ruih chilh leh a ni ta reng mai a.

Dam nih han inhriat chian hian nun hi a hlu zual hian a hriat ngawih2 mai a, kan vel han en ila kut dawh lo phar huang2 mai te han hmuh hian khawvel awmzia hriatthiam tumna hian kawng a hawng zau lo hle thin mai. Magdelene hoin 'Save Me here i'm lord' an tih rawih2 na ah hian pathian hian min hmang tum tak2 seng kan feh chhuak tak2 ngam meuh a ngem aw !!...

Acapella hla pakhat spl hindi school kan luh laia kan 'pam pam' pui ve mawlh2 thin te kha ka hre chhuak thar leh a - '...preacher came to me and said give me your hand, if you want me goin' to the promise land..so i better give it to you' .. A ni duh viau asin. Ramri chin atang a mi buaina thlir hi chuan huai hi awl tak a ni, mahse a chhungril fan chilh nun meuh hi zawng 'mihuaisen' tih hma hret hi nih a ngai tlat a ni.

Kan lehkhabu pakhat chu a bu hming hi a mak phian a 'the unbearable lightness of being' a chhugnthu pawn ngaihtuah a ti tam hle. Hringmi nunchang hi han chhui han chhui ta ila, kan thil tawn te hi voikhat bak kan tawng thei tawh si lo a, a nih chuan kan nun chuan awmzia a nei famkim lo tih na ang a ni ta mai a. A ni chumi hriat chhuahna chuan nunthawveng, engmah pawisak lohna nun zang a keng tel a. Chutih rual chuan NUN awmze awmlo nun neih chuan rilru hahna a keng tel leh lo thei lo a. Eng chu nge ka awm chhan eng nge ka hmabak tih ngaihtuahna chuan min buk ritin , zan tairek thleng2 a ngahituahna a hruai chang a tam ang. Chutah tak chuan a ni zang leh rit chu a lo inzawm tak ni. Thil pahnih niloin pumkhat hrang hlak si chuan awmzia a lo neih tak ni.

College kal rual kan nih khan- nun a nuam a hmabak a eng a, kawlah ni a chhuak zing bik ngawt thin mai. Kan puitlinna rahbi kha kan pen ve tan a, ke chheh sual hlauhawm zia kha kan hrepha si lo. Hmabak en thiam a har a, kawngbumboh kan hmu phal meuh lo. Thianzaho nun , nun thawl nuam leh engmah enghelh nei lo ram ah khan kan chuang kai a, hlimna kan zawng a kan zai kan lam kan tlan za thin kha a ni a. Aw hun leh ni , fur leh thal , sik leh sa kan tawrh daih zawng zawng te kha, koh kir tum chian aw chhanna mai lo chu a thlen si lo a. A ni chumi liam ta nun tawn thar leh theih tawh si loh chu han ngaihtuah nasat pawh leh a uihom a, engnga ti nge chu hun chu kan tawn theih tawh loh ? nun hi ka ta a ni kan ti a ni lom ni. Chumi hriat chhuahna chiah chuan a ni nun za len 'lightness of being' chu lo siam chhuak ta ni. Kan kohkir theih tawh si loh chuan kan chen lai hian a tawp chin awm loin kan hmang mai dawn lo a mi, hun liam hnu ngaia kur ruai ai chuan ngai lo law2 tur a chen mai tur a ni dawn lo a mi. A ni he ngaihtuahna chiah hian a ni zalen nun chu her chhuak tir ni.

A lehlamah thung chuan kha nun kha ngaiin kan kur a, kan tam a mit a lo hnam a biangah mittui a lo luang ngia2 mai ta thin a ni. Chu nun chuan kohkir rual loh chu a ngaihtuah a, a thlir a, a vak a vak a, a tawpah chuan NUN a zir phah a, eng nge nun chu ? chu zawhna chu a inzawt a inzawt a..Channa a awm si lo !! Kawlkil tin a thlir kual a, mahse a beisei a hmuhphah chuang lo. Tah tak chuan 'unbearable of lightness' chu a lo luan luh ve tak ni.

Aw.... kei hian a ni kha nun kha ngai a, kohkir theih loh ram mawlh mai chu a ni ka thlakhlelh thar leh thin chu ni.. .

"Awmkhawhar changin ka dawn vel thin a
he hringnun par ang vul lai ni te
mual min liamsan thin kan hlim ni ten
hmanlai an chang zo nghil a har ngei.

- lenrual duh te nen hlim te in
zai tin kan vawr lai kha
ka ngai thin e thiante kha
kan lenna a dang zo ta si
sakhming an hriat chhuah changin
kan nun dan thin an dawn kir ve ang a
an lungleng ve ngei ang

Kan hawi vel hian in tlang tin damdia
thal romei zing ria lenkawl eng leh
chhemdam thilfim leh thinghnah nem nen
nungcha hram thiam ten min ngaihtir thin "

' friends are apart stangers that we meet '

Sputnik's Legacy

2007-10-04T17:15:00.000-07:00

Kum 50 kalta ah khan Space lama kawngthar hawng turin Sputnik's chu Russia atanga kah chhuah a ni a, Space Era khawvel thar chu kheuh hawn a ni ta a ni. Hemi hnu hian thil tam tak thleng leh mahse a 'bik' tlem te zingah chuan theihnghilh theih a ni tawh lo ang a hriatreng a ni kumkhua tawh dawn a ni. Cold War boruak rip leh sa tak hrinchhuah ni mahse a lehlam a thlir chuan khawvelin America leh Russia inepna a hlawk zawngin a tel theih phah a malsawma kaw dang pawh kan ti thei mai awm e...

This week Russia celebrates the anniversary of the launch of the Sputnik-1, an event that many hold to be the Soviet Union's most important victory in the international arena of science and technology competition. The landmark event was a heady cocktail of scientific experiment, military might, and pure propaganda - hei hi news tla nawi atang a lak chhuah a ni e... Nia Soviet Union tan chuan a chuanawm hle reng a ni American tan lah kun ngawihna tham a lo ni ve bawk nen..

Hei Google ho pawn a lem an hmang ve tat hi maw... an ni hi an rang thin a, tiang lamah hian...

Week- End

2007-09-28T15:56:00.000-07:00

after a tiring long exhausted weekdays at last the time for relax and enjoyment is around the corner. with winter breeze started to cool down the burning temperature of the hot sultry summer weather, life seems to started breathing fresh air again...

Hei khua pawh a lo tlai leh ta hle mai( nge midang tan chuan a hma veng vawng hle thung a), mut pawh a chhuakin mit te pawh a kham thum ta mai. ka bul a vainu thu pawh a ham ve nasa bai2 khop mai. ngaituah ding em2 neih a har kher mai, rilru a harfim meuh lo e. nghakhlel viau leh thlahlel em2 thin mahila kar tawp a lo thlen meuh hi chuan engvak ti lem lo a tling tlak leh mai hi a awl thin khop mai a.. hei tunah pawh ka ziah tur em2 hre si lo, kar kalta han khar ve mai na tur ka duh si tal buai vel a nih ber mai hi, thumal fahrah te2 ka han khawn khawm tak chiam mai ni..

Hun a liam zel a, kan kal ve zel a.. hmalam thlir pawn october thlahleinga zan a lang ve ruih ta mai.. hunpui a lo inkham zuah tawh bawk a, a ni hun thar lawmawm hnai bawk si.. eng kan ti bik nge dam malsawmna dawnga, nuaihtelin mual an liam ruih2 laia tiang a he boruak hip thei a kan la awm bik le... a ni a zahngaihna vang a lo ni e..

Lawmthu sawi kan va ba nasa thin emm....

Chhunzawmna

2007-09-25T02:03:00.000-07:00

Hei ka playing card post kha proof reading pawh nei lem lo khan kan post ringot a, han chhiar chian meuh chuan spelling mistake a tam ltk , a zahthlak hial zawk. Anyway mihring famkim lohna zel a ni e...

Taka Insomnia chungchang kha hei an damdawi siam ka hmu chhuak a ka lo post mai2 a lei duh tan chuan..hehe..

Playing Card

2007-09-21T00:07:00.000-07:00

Ka tih tur em2 neilo leh awm awl luatah ngaihtuah vak lemlo in google ah playing card tih kan type mai2 a, result a pe hnem kher mai. Ka han sam thlak diat2 pawn en sen a ni meuh lo, bih thuak2 pahin ka chhiar thla den2 a, a then chu a ngaihnawm ve fu mai.. 9th century vel atang khan China ah an lo ching chhuak tan a, chuan Europe ah te leh hmun dang dangah lo darh zelin tunah , design thar leh awmze thar nen a lo lar chho ta em2 a lo ni.. A history leh kaihhnawih hrang2 lam chu ka sawi tum ani ber lo a, i tuipui te a nih chuan he link ah hian i mamawh phuhrukna khop chu a awm ngei ang... http://en.wikipedia.org/wiki/Playing_card...,, Chutia ka bih kual den2 lai a ka rilru a lo lang thar leh hun kal tawh rilru mu hnu kaitho lehna chu a ni ka tuipui tak zawk chu ni.. Chu 'lingering memories' tukkhum lam chauhin a a hriat vai2 tawh chauh, nunhlui te chu zawh tha lehin fiah tak maiah hian hmaah tak chuan an lo lang thar leh zut2 a, 'khang hunlai' nun te chu her lum thar tha lehin mahni tein lung a leng veng2 mai a ni.

Kum 2000 leh tih vel kha a ni ta Aizawl College ah nunchan zirin khel loin tuan kan rel thin a, class awm kim thep thup lo mahila kha tia a building ki kual kar vela lo tap ve hrim2 te khan lung a ti awi ve hliah2 thin mai a. Zirlai te kan han la ve a, mahse thianpa Bawlan kan Pi ber mai hmletha a tih zia leh a kawr khuh phak baka taksa no mam tak lo lang ve zauh thin2 te chu a no nalh zia a han sep tak2 tawh kha chuan John Donne a 'death be not pround' tih lam kha rilru a luah thei mawlh lo.. A ni kha poem hrilhfiah tu hmu phun kha lo thlir veng2 mai khan hun a lo liam leh uarh mai thin. Hruai'n tawngkam bungraw mak pui2 hmang a a han tuhnih a, huat thieh si loh a na tak2 a mi a han kap zawm zat2 thin te kha nia nghilhni awm har em2 tur chu. Exam hall ah kan thiannu culture lama in hmang ve deuh pakhat Mizo exam laiin a han zai tir ngat phei kha chu engthil mah hian a a man a khuh zo mawlh lo ang.Ngura Delhi lamin a duh tawh loh hnuah a lo thleng ve a, a lo kal hmasak ber niin khulam vaipa pakhat nen a haiderh talh kan tum ni te tak kha, a tuartu tan kha chuan a huatthlala ngot ta ve ang. A class hmasa ber niah bawl a hloh a, mahse tlangnel nan khan a lo tha ngang a niang chu ka inzui bet chawt ta hlawm a. Khatiang khan ni a liam a, nilum kan ai za tlai ni tla kan thlir liam leh thin kha a ni a.. Nia khua lo tlai lamin mahni run lum lam kan belh meuh kha chuan ruah tham loh thil tam tak kha sawi tur a kat nawk hman thin a ni.

Engmah dang enghleh vak tur kha awm hek lo, college kal lai e ti lo chuan lehkha zir khan rilru luah mawlh hek lo, leng khuan ar rik rual a kawngkhar khar rik ve hman ngei tum kha chaw te kha kan han bar tak ang mawlh2 a, helh awl2 chungin tui nen kan hnawh thla zawt2 mai kha a nia.. Mite angin hmelten puak a ti lemlo nen, khawvel rosum lamin min malsawm em2 bok si lo a nula rim tur te kha kan hre ve lem hlei lo a, mahse khan an hnawngna khan rilru hlimna a dak em chuang lem lo a niang chu, kan nun kha a hlim em2 ve tho thin kha a nia.

Chuan thianpa Rova te inah lawi khawm nak2 a, kum lamah in kat nuk mahila kan titi kha a rual phian a, hnam lam leh zai velah kan tuina khan min phuar khawm a, sawi duh lam kha chu a inang tlang viau zel mai a ni. Khanglai kha chuan karah nupui fanau la tla hek lo, mahni peih chen2 leh phur chen2 kha hawn hun a ni mai a, mahni bak kha ngaituah a tlem thin khop mai. Politics te kha han sawi zawr ve viau thin e ti lo chuan inhnila luia2 kha a ni zel a, engmah thu thlukna tur a awm ngai meuh lo.Mahse khan zawng2 kha tunah chuan ka lung a len lem lo, inlehkhaden a tlai khua kan var za thin dan kha a ni thinlai rawn thawng thar leh chu.

Kan kim thep tawp ta maw tih chuan kan chhungpui nu chuan thingpui sen hang min han hlui tawp a , a behbawm atan kurtai lian tha lel lawl tak mai a awm bawk a, in tur dang kan mamoh lo kher mai. Card zawr ve tawh tak chu phawrhin zan boruak sosang tak chu a intan ta thin a ni. Kan han khel ta tak2 a, a boruak han i vawr sang tak2 dan te kha tun hun atang chuan chhuikir zawh rual a ni tawh meuh lo, hriatthiam phak zia pawh a ni tawh lo mahse hei hi chu ka la hre reng thin a chak lo nih hreawm leh tlawmthlak thin dan kha. Engmah kha hmaih a awm lo a, poisa thap a chan lam kha a ni lo a tih a tih lam kha a ni zawk. Zaithiam tak tan pawh zanrei tai rek laia han zai awl2 chu a har duh thin tehlul nen aw nei chau ve tak tana stool chung a han din azanlai ar pawn lamah a khuan al2 rualin 'chaktiang kawlrawn zunzamah te khian hmangaihna a awm lawm ni' tih al2 an ngai a, chumai a ni lo kutzungtang ti kawh vah kha a ngai tel kher nen. A then lahin thlangra khum ang venvawnin lai chhuat an chhir dir tlawn2 a. Tui te kha a harsa ve thin fu e tih kha chu kan hrereng, mahse boruak han ti hot tu kha ni miau hek a chaklo ber tuiin kha a chuangbang thei bik ngai lo, nopui hnih khat han tlak pawp2 tih mai2 kha chu kan expert na lam tak chu a nih ve thin kha maw.

Min tleng tute tan kha chuan kan ninawm viau thin tak nangin a chang kha chuan min chawr nasa thei thin hle bawk a. Kan competition ah kha chhuat nawh te kha a tel tlat mai a, zankhua a han khelh meuh kha chuan a tliang tha duh hlurh2 thin teh e. Khatiang kha chu thuhran lo ni ta se, tui chawi zet kha chu a uchuak ta thin a ni. Engmah phat theih a ni lo, rules is a rules, zan tir a ni emaw zanlai, vartian.. enghunah pawh khan chawi tur kha a ni miau a a hreawm thei ngawng2 khop mai.. Tinpui nen a kawng han vahpui ngauh2 kha chu experience nuam tak a ni hran lo.

Vartian te a lo ni a, kawlah ni pawhin chhuan inring em2 in a in buaitsaih tan a, a lo phe hlep2 tan ta mai a, tin zai te pawh chu kan rel ve ta hlawm a, zankhua a tuiin vak2 hlom kha kan ni bawk a dul pawh a khat tha duh viau.. Tumah la tho hlawm thin hek lo, zahpah tur te vak awm lo nen haw pahin in tihsiakna dang in zun thuisiak kan han bei leh ta ngauh2 mai thin kha a niah.

A dan : chatlak awm miah lo a zung thui thei ber. A catch kha chu-muang changa haw tawp si lo a hmeh chik thiam kha a ni. A tuiril pumah a lo lut hnem tawh bawk nen a thui tha duh hlom thin kher mai.

Nia, he lehkahden number 1 atanga 13 thleng a awm chho hian a phenah thawnthu tam tak a sawi thin a, mitin tana dang theuh in a ni a puan chhuah thin ni. Western cowboys hunlai kha chuan thihna te, tualthahna te , inphatsanna leh inbumna te kha a hril thin a, chumi thlarau chu tunthleng hian a la vawng nung a , a nghawng pawh a na thin hle. Vegas ah chuan pawisa thap leh tlakchhiatna te pawh a hril nuaih ta ve ang. Mahse keni ho tan kha chuan- ruahthamloh hlimna thuruk, thu leh hlain a hril zawh loh kha min hnutchhiah a , kan chhuahtam tak te tan pawh a sawi nin loh tur kha min pe a ni. Khan hunlai a thil tam tak kha khawhar tak leh mal tak a chang a min hnem tu leh min chawi nung tu a ni fo reng dawn a ni.

Kawlkilah chuanni pawh a hnim tawh hle mai, a zung in kap eng vel pawh a pherh sawt hle. Keipoh chu thil dang engmah reng ngaihtuah thei lo chuan ka ruihna thlarau chuan min la chiah huh hnup reng a, khawdang reng hawi thie lo chuan tukverh biangah chuan ka thu ta reng a. Hmalam hun tur hrilthiam lo dun ve2 mahila kan kalsan tak nunhlui chu ui takin kan melh dun tawk2 reng a ni..

Insomnia

2007-09-20T01:04:00.000-07:00

What we call when we have to sleep but we cannot.. A common elements of this life, one or twice or maybe more we often encountered and always crying for help.. 'Pills- but we do afraid to addict.. by the way addiction can also sometimes work in a right way... So, the most painful experience is that you know you have to lay down and off to the never ending of the dreamland and if you dont there are things which will effect the normal flows of life.. Mostly i do, i hate but i do.. i awake not knowing what to do but keeping in mind that i need to have that slumberring hummm.... to be precise working in a night shift job , phew you are a dead man, man....

nay.. even this is also a work of the same.. an idle mind and an a sleepy eyes.. oh how i wish i can be that ' sleeping child' for god sake .. will you do help me... the one who cries for you and wish to take you away into the world of wonders...

by the way i just watched a movie call 'zombies diaries' huizz... sucks man...

Updated !!

2007-09-07T06:30:00.000-07:00

Been out of this space for a long (looong ) time and goin' around the bush and the ups and down of life, the updated version has just now follows.. Huiz, things are rightly always easier said and done. When i begun this journey i promised to myself to be uptodate and stay alive as per the beating of this space but that are all but a dust in the wind.

Life change and we all keep on goin, even my little small also revolves quite a bit in my own definitions. Interests change , priority move on... We come and go, a stage where we all take part for a short term and leave a prints behind as per the act that we represent..

Listening to something call as 'dont lie' !!! why do we lie ? to escape something ? to gain from the lie ? to moved on !.. whatever the reason we all do said one thing or the other untrue...

Anyway what is it that i am writing... i dont know i jst dont now... life still goes on...

Follow Up

2007-02-15T13:35:00.000-08:00

Well again!!! a 'gap' used to be my middle...After 7 days are over here im in again. I know the rules & the regulation, the way to move from bottom to top( that an ambitious claimed), but it difficult, very difficult to manage a day to day basis esp. when you are working at night with a limited break of 30 minutes & two 15 minutes. All those valuables time has to be spent either for filling up your stomach( which by the way one is of the most important job of your life)...

Uh..as we come up with the word 'life' i wonder how we all define this one four letter word( mostly people relates 'four letter word' to the word known as 'love' but 'love' is not the only word with four letter)...I used to breathe this air for, how long ? 25 years and i read quite a few regarding this (by 'this' i mean to say 'life') and i even try to find out what exactly it is.We the people with differeny culture, different sex, colour(color in american.....!!!! see even how one english word can be differs), races etc etc..there is no point of trying to mentioned all those...living in the same world, the earth,...

The Beginning !!!!!

2007-02-09T07:56:00.000-08:00

Well its been ages since the bloggin' community create a new era... the generation of freedom !!!
Eventhough after years and years of people posted in this space ...now....yeah just now...on friday the 9th of 2007 ( by the way its my little Bro' B-day..kinda nice to begin somethin' right)... oh its not the 13th thanks godness,,,, i started creating my own world , the place , the space where all my belongin' belongs...
Its always been good to be with someone to be a part of somethin that is big and to have a place where one can fit one and or all....
Im coming 'm coming.....paving my way out from the bushes and enter into the world of the generation X......
God Blesss all.....ta ta...